പഴയങ്ങാടി- വീട്ടില്‍ പഴം വില്‍പ്പനക്കെത്തി പ്രായപൂര്‍ത്തിയാവാത്ത പെണ്‍കുട്ടികളെ കടന്നുപിടിച്ച് മാനഭംഗപ്പെടുത്താന്‍ ശ്രമിച്ച യുവാവ് അറസ്റ്റില്‍.
തളിപ്പറമ്പ് മുക്കോല ഞാറ്റുവയല്‍ കുരി വീട്ടില്‍ കെ.അഷറഫിനെ(48) യാണ് പഴയങ്ങാടി ഇന്‍സ്‌പെക്ടര്‍ എം.ഇ.രാജഗോപാല്‍ അറസ്റ്റ് ചെയ്തത്.
പഴയങ്ങാടി വാടിക്കല്‍ കടവില്‍ ഉച്ചയോടെയാണ് സംഭവം.
വാടിക്കല്‍കടവിലെ ക്വാര്‍ട്ടേഴിസില്‍ താമസിക്കുന്ന ഏഴും എട്ടും വയസുള്ള പെണ്‍കുട്ടികളെയാണ് ഗ്രില്‍സിനുള്ളിലൂടെ കടന്നുപിടിച്ചത്. ഉന്തുവണ്ടിയില്‍ പഴം വില്‍പ്പനക്കെത്തിയതായിരുന്നു ഇയാള്‍.
പെണ്‍കുട്ടികള്‍ ബന്ധുക്കളോട് വിവരം പറയുകയും പഴയങ്ങാടി പോലീസില്‍ പരാതി നല്‍കുകയുമായിരുന്നു. രണ്ട് പെണ്‍കുട്ടികളുടെയും പരാതി പ്രകാരം പഴയങ്ങാടി പോലീസ് രണ്ട് പോക്‌സോ കേസുകള്‍ രജിസ്റ്റര്‍ ചെയ്തിട്ടുണ്ട്. പെണ്‍കുട്ടികളുടെ മൊഴി രേഖപ്പെടുത്തി.
