താമരശേരി- വിവാദമായ ലൗ ജിഹാദ് പ്രസ്താവന തിരുത്തി സിപിഎം കോഴിക്കോട് ജില്ലാ സെക്രട്ടേറിയേറ്റ് അംഗം ജോര്ജ് എം തോമസ്. കേരളത്തില് ലൗ ജിഹാദ് ഇല്ല എന്നതാണ് വാസ്തവമെന്ന് ജോര്ജ് എം തോമസ് തിരുത്തി. ലൗ ജിഹാദ് ഉണ്ടെന്ന് താന് പറഞ്ഞിട്ടില്ല. തെറ്റിദ്ധരിക്കാവുന്ന വിധത്തില് പ്രതികരിച്ചത് ഒഴിവാക്കാമായിരുന്നു. നിരവധി പേര് വിദേശത്തുനിന്നടക്കം വിളിച്ചു വിമര്ശനം അറിയിച്ചുവെന്നും ജോര്ജ് എം തോമസ് പറഞ്ഞു. ഡിവൈഎഫ്ഐ നേതാവ് ഷെജിനും ജോയ്സ്നയും തമ്മിലുള്ള വിവാഹം വിവാദമായ സാഹചര്യത്തിലായിരുന്നു ജോര്ജ് എം തോമസിന്റെ പ്രതികരണം. കേരളത്തില് ലൗ ജിഹാദ് ഉണ്ടെന്നുള്ളത് യാഥാര്ത്ഥ്യമാണ് എന്നായിരുന്നു ജോര്ജ് എം തോമസ് ഇന്നലെ പറഞ്ഞത്. ജമാഅത്തെ ഇസ്ലാമിയും എസ്ഡിപിഐയും അടക്കമുള്ള സംഘടനകള് ഉന്നത വിദ്യാഭ്യാസം നേടിയ വിദ്യാര്ത്ഥിനികളെ ലൗ ജിഹാദില് കുടുക്കുന്നുണ്ടെന്ന് അദ്ദേഹം ആരോപിച്ചു.
