ജമ്മു- പിഞ്ചുകുഞ്ഞിനെ അമ്മ ക്രൂരമായി മര്ദിക്കുന്ന വീഡിയോ സമൂഹ മാധ്യമങ്ങളില് പ്രചരിച്ചതിനു പിന്നലെ യുവതി അറസ്റ്റിലായി.
ജമ്മു കശ്മീരിലെ സംബയിലാണ് സംഭവം. അപ്പര് കമില സ്വദേശിനി പ്രീതി ശര്മയെന്ന യുവതിയെയാണ് പോലീസ് അറസ്റ്റ് ചെയ്തത്.
മാസങ്ങള് മാത്രം പ്രായമുള്ള കുഞ്ഞിനെയാണ് യുവതി ക്രൂരമായി മര്ദിച്ചത്. സംഭവത്തില് കൂടുതല് അന്വേഷണം നടക്കുകയാണെന്നും യുവതിയുടെ മാനസികാവസ്ഥയെ കുറിച്ച് കൂടുതല് വിവരങ്ങള് ലഭ്യമായിട്ടില്ലെന്നും പോലീസ് പറഞ്ഞു.
യുവതി പിഞ്ചുകുഞ്ഞിനെയും മടിയിലിരുത്തി ആരോടോ വഴക്കിടുന്നത് വീഡിയോയില് കാണാം. മടിയില് കിടക്കുന്ന പിഞ്ചുകുഞ്ഞ് കരയുമ്പോള് പ്രകോപിതയായ അമ്മ കുഞ്ഞിനെ പല വട്ടം ശക്തിയായി മര്ദിക്കുന്നതും ഞെരുക്കുന്നതും വിഡിയോയില് വ്യക്തമാണ്. തുടര്ന്ന് ദേഷ്യം നിയന്ത്രിക്കാനാവാതെ വരുമ്പോള് കുഞ്ഞിനെ യുവതി കട്ടിലില് ആഞ്ഞടിക്കുന്നുമുണ്ട്.
