കാസർകോട്- പതിനാലുകാരിയെ ലൈംഗികമായി പീഡിപ്പിച്ച് ഗർഭിണിയാക്കിയ കേസിലെ പ്രതിയെ അറസ്റ്റ് ചെയ്തു. നെട്ടണിഗെ കുളയിലെ ചന്ദ്രശേഖര(39)യെയാണ് ആദൂർ പോലീസ് അറസ്റ്റ് ചെയ്തത്. ആദൂർ സ്റ്റേഷൻ പരിധിയിലെ പതിനാലുകാരിയെ പീഡിപ്പിച്ച സംഭവത്തിൽ ചന്ദ്രശേഖരക്കെതിരെ പോക്‌സോ നിയമപ്രകാരം കേസെടുത്തിരുന്നു. വയറുവേദനയെ തുടർന്ന് പെൺകുട്ടിയെ ആസ്പത്രിയിൽ പ്രവേശിപ്പിച്ചപ്പോൾ നടത്തിയ പരിശോധനയിൽ നാലുമാസം ഗർഭിണിയാണെന്ന് വ്യക്തമായി. ഇതേക്കുറിച്ച് ചോദിച്ചപ്പോഴാണ് ചന്ദ്രശേഖര തന്നെ പീഡിപ്പിച്ച വിവരം പെൺകുട്ടി പുറത്തുവിട്ടത്. തുടർന്ന് രക്ഷിതാക്കൾ പോലീസിൽ പരാതി നൽകുകയായിരുന്നു.
