കോഴിക്കോട്- ബാലുശ്ശേരി കരുമല ചൂരക്കണ്ടി മലമുകളില് യുവാവിനെയും പത്താം ക്ലാസ് വിദ്യാര്ഥിനിയെയും തൂങ്ങിമരിച്ച നിലയില് കണ്ടെത്തി. കിനാലൂര് പൂളക്കണ്ടി തൊട്ടല് മീത്തല് പരേതനായ അനില് കുമാറിന്റെ മകന് അഭിനവ് (20), താമരശ്ശേരി അണ്ടോണ പുല്ലോറക്കുന്നുമ്മല് ഗിരീഷ് ബാബുവിന്റെ മകള് ശ്രീലക്ഷ്മി (15) എന്നിവരാണ് മരിച്ചത്. ഷാളിന്റെ രണ്ടറ്റത്തായിരുന്നു ഇരുവരുടേയും മൃതദേഹങ്ങള്.
താമരശ്ശേരി കോരങ്ങാട് ഗവ.ഹയര് സെക്കന്ഡറി സ്കൂളിലെ വിദ്യാര്ഥിനിയാണ് ശ്രീലക്ഷ്മി. കോരങ്ങാട് ചപ്പാത്തി കമ്പനിയിലെ ജീവനക്കാരനായിരുന്നു അഭിനവ്. ശ്രീലക്ഷ്മിയെ ഇന്നലെ വൈകിട്ട് മുതല് കാണാതായിരുന്നു.
അഭിനവും ശ്രീലക്ഷ്മിയും പ്രണയത്തിലായിരുന്നുവെന്ന് പോലീസ് പറഞ്ഞു. മൃതദേഹങ്ങള് കോഴിക്കോട് മെഡിക്കല് കോളജ് ആശുപത്രി മോര്ച്ചറിയിലേക്കു മാറ്റി. വത്സലയാണ് അഭിനവിന്റെ മാതാവ്. സഹോദരങ്ങള് അഭിനന്ദ്, അഭിനാഥ്.
ശ്രീലക്ഷ്മിയുടെ അമ്മ ബീന. സഹോദരന്: വൈഷ്ണവ്
