കൊച്ചി- കേന്ദ്രസര്ക്കാര്മീഡിയ വണ് ചാനലിന്റെ സംപ്രേഷണം തടഞ്ഞ നടപടി ഹൈക്കോടതി ശരിവച്ചു. കേന്ദ്ര നടപടിയെ ചോദ്യം ചെയ്തു നല്കിയ ഹര്ജി തള്ളിയ സിംഗിള് ബെഞ്ച് ഉത്തരവില് ഇടപെടാന് കാരണമില്ലെന്നു വിലയിരുത്തി. ചീഫ് ജസ്റ്റിസ് അധ്യക്ഷനായ ഡിവിഷന് ബെഞ്ചിന്റോതാണ് വിധി. ചീഫ് ജസ്റ്റിസ് എസ്.മണികുമാര്, ജസ്റ്റിസ് ഷാജി പി.ചാലി എന്നിവരുള്പ്പെട്ട ഡിവിഷന് ബെഞ്ചാണു ഹര്ജി പരിഗണിച്ചത്.ഇതോടെ ചാനല് സംപ്രേഷണത്തിനുള്ള വിലക്കു തുടരും. ചാനല് ഉടമകളായ മാധ്യമം ബ്രോഡ്കാസ്റ്റിങ് ലിമിറ്റഡും ജീവനക്കാരും കേരള പത്രപ്രവര്ത്തക യൂണിയനുമാണ്, സിംഗിള് ബെഞ്ച് ഉത്തരവിനെതിരെ അപ്പീല് നല്കിയത്.