പത്തനംതിട്ട- പ്ലസ് ടു വിദ്യാര്ഥിയെ ഹോട്ടലില് തൂങ്ങിമരിച്ച നിലയില് കണ്ടെത്തി. തൃശൂര് വരന്തരപ്പിള്ളി ചുക്കേരി വീട്ടില് അലോന്സോ ജോജി (18) ആണ് മരിച്ചത്. റാന്നി സിറ്റാഡല് സ്കൂളില് പ്ലസ് ടു വിദ്യാര്ഥിയാണ്. ആത്മഹത്യയാണെന്നാണ് പ്രാഥമിക നിഗമനം.
രണ്ടു മാസമായി പത്തനംതിട്ട നഗരത്തിലെ ഹോട്ടലിലായിരുന്നു താമസം. പത്തനംതിട്ട കോളേജ് റോഡില് പ്രവര്ത്തിക്കുന്ന ഹോട്ടലില് കഴിഞ്ഞ മാസം മൂന്നിനാണ് അലോന്സോ റൂമെടുത്തിരുന്നത്.
ഹോട്ടല് കെട്ടിടത്തിന്റെ മൂന്നാംനിലയിലാണ് മൃതദേഹം കണ്ടെത്തിയത്. ജീവനക്കാര് ഉടന് പോലീസിനെ വിവരം അറിയിച്ചു. കുടുംബ പ്രശ്നങ്ങളാണ് ആത്മഹത്യയിലേക്ക് നയിച്ചതെന്നാണ് പോലീസിന്റെ പ്രാഥമിക കണ്ടെത്തല്.
