കൊച്ചി- നടന് ദിലീപിന്റെ ഫോണുകള് പരിശോധിച്ചാല് എല്ലാ വിവരങ്ങളും പുറത്തുവരുമെന്നാണ് പ്രതീക്ഷയെന്ന് സംവിധായകന് ബാലചന്ദ്രകുമാര്. നാലിലധികം ഫോണുകളും പത്തിലധികം സിമ്മുകളുണ്ട്. ദിലീപിന്റെ സഹോദരി ഭര്ത്താവ് ഉപയോഗിച്ച ഫോണ് നിര്ബന്ധമായും ഹാജരാക്കണം. അതില് നിരവധി തെളിവുകളുണ്ടെന്നും ബാലചന്ദ്രകുമാര് പറഞ്ഞു. തന്റെ ആരോപണങ്ങളെക്കാള് അതിസങ്കീര്ണമായ പലവിഷയങ്ങളും ഫോണില് നിന്ന് പുറത്തുവരും. തനിക്കെതിരെ വ്യാജ ആരോപണങ്ങളുന്നയിച്ച് ദിലീപ് കോടതിയില് അഫിഡവിറ്റ് സമര്പ്പിച്ചിരുന്നു. അതിന്റെ നിജസ്ഥിതി പുറത്തുവരണമെങ്കിലും ഫോണ് പരിശോധിക്കണമെന്ന് ബാലചന്ദ്രകുമാര് മാധ്യമങ്ങളോട് പറഞ്ഞു.
ദിലീപിന്റെ അടക്കം കൂട്ടു പ്രതികളുടെ ആറ് ഫോണുകള് ഹൈക്കോടതി രജിസ്ട്രാര് ജനറല് മുമ്പാകെ ഹാജരാക്കാനാണ് ഹൈക്കോടതിയുടെ ഇടക്കാല ഉത്തരവ്. മുദ്രവച്ച കവറില് തിങ്കളാഴ്ച 10.15 ഓടെ ഹാജരാക്കാനാണ് ഉത്തരവ്.