കണ്ണൂര്- പോക്സോ കേസിലെ ഇരയായ തളിപറമ്പ് സ്വദേശിനിയായ 19-കാരിയെ ജീവനൊടുക്കിയ നിലയില് കണ്ടെത്തി. തിങ്കളാഴ്ച വൈകീട്ടാണ് പെണ്കുട്ടിയെ കിടപ്പുമുറിയില് തൂങ്ങി മരിച്ച നിലയില് കണ്ടെത്തിയത്.
മൂന്ന് വര്ഷം മുമ്പായിരുന്നു പീഡനം നടന്നത്. പാലക്കാട് സ്വദേശിയായ രാഹുല് കൃഷ്ണ എന്നയാളാണ് പ്രതി.
17-വയസ്സുള്ളപ്പോള് ഇന്സ്റ്റഗ്രാമിലൂടെയാണ് രാഹുല് കൃഷ്ണയുമായി പരിചയപ്പെട്ടത്. തുടര്ന്നാണ് പീഡനം നടന്നത്. വീഡിയോ ദൃശ്യങ്ങളുണ്ടെന്ന് പറഞ്ഞ് പെണ്കുട്ടിയെ രാഹുല് കൃഷ്ണ ഭീഷണിപ്പെടുത്തുകയും ചെയ്തിരുന്നു. ബന്ധുക്കള്ക്ക് ഇയാള് വീഡിയോ അയച്ച് നല്കുകയുമുണ്ടായി. തുടര്ന്നാണ് പോലീസില് പരാതിപ്പെട്ടത്.
പെണ്കുട്ടിയുടെ ബന്ധുക്കളുടെ പരാതിയില് ഇയാളെ പോലീസ് അറസ്റ്റ് ചെയ്തിരുന്നു. പീഡനം നടന്ന് മൂന്ന് വര്ഷം പിന്നിട്ടെങ്കിലും പെണ്കുട്ടി ഇതിന്റെ മാനസിക ആഘാതത്തില് നിന്ന് മോചിതയായിരുന്നില്ലെന്ന് പോലീസ് പറഞ്ഞു.
