കണ്ണൂര്- തനിക്ക് മര്ദനമേറ്റതില് സഖാക്കളേക്കാള് സന്തോഷം സംഘികള്ക്കാണെന്ന് യൂത്ത് കോണ്ഗ്രസ് സംസ്ഥാന വൈസ് പ്രസിഡന്റ് റിജില് മാക്കുറ്റി. കണ്ണൂരില് കെ-റെയില് വിശദീകരണ സ്ഥലത്തേക്ക് തള്ളിക്കയറാന് ശ്രമിച്ച യൂത്ത് കോണ്ഗ്രസ് പ്രവര്ത്തകരെ പരിപാടിയില് പങ്കെടുക്കാനെത്തിയവര് ആക്രമിച്ചിതനെ കുറിച്ചാണ് റിജിലിന്റെ ഫേസ് ബുക്ക് പ്രതികരണം.
തന്റെ വീടിന്റെയോ കുടുബത്തിന്റെ ഒരിഞ്ച് സ്ഥലം പോകില്ലെന്നും,കുടിയൊഴിപ്പിക്കപ്പെടുന്ന പതിനായിരങ്ങള്ക്ക് വേണ്ടിയാണ് ഈ സമരമെന്നും റിജില് പറഞ്ഞു. ഡിവൈഎഫ്ഐ ഗുണ്ടകളെ ഉപയോഗിച്ച് പിണറായി വിജയന് അടിച്ചമര്ത്താന് നോക്കിയാല് സമരത്തില് നിന്ന് മരിക്കേണ്ടി വന്നാലും പിറകോട്ടില്ല. യെച്ചൂരിയെ തല്ലിയ സംഘികളും ജയകൃഷ്ണന് മാസ്റ്ററെ പടമാക്കിയ പിണറായിയുടെ കേരളത്തിലെ സംഘാക്കളും ഒന്നാണെന്നും റിജില് ആരോപിച്ചു.
ഫേസ് ബുക്ക് പോസ്റ്റ് വായിക്കാം
എന്റെ വീടോ എന്റെ കുടുബത്തിന്റെ ഒരിഞ്ച് സ്ഥലമോ പോകില്ല. കുടി ഒഴിപ്പിക്കപ്പെടുന്ന പതിനായിരങ്ങള്ക്ക് വേണ്ടിയാണ് ഈ സമരം. ഡിവൈഎഫ്ഐ ഗുണ്ടകളെ ഉപയോഗിച്ച് പിണറായി വിജയന് അടിച്ചമര്ത്താന് നോക്കിയാല് സമരത്തില് നിന്ന് മരിക്കേണ്ടി വന്നാലും പിറകോട്ടില്ല. ഇത് കെ.പി.സി.സി പ്രസിഡന്റും പ്രതിപക്ഷനേതാവും യുഡിഎഫും പ്രഖ്യാപിച്ച സമരമാണ്. സമരത്തെ ഭീരുക്കളാണ് അക്രമിക്കുന്നത്. സഖാക്കളെകാളും സന്തോഷം സംഘികള്ക്ക് ആണ്. അതു കൊണ്ട് തന്നെ എന്റെ നിലപാട് ശരിയുടെ പക്ഷത്താണ്. അത് കുടി ഒഴിപ്പിക്കുന്ന പിണറായി ഭരണകൂടത്തിന് എതിരെയാണ്. ഭക്ഷണത്തിന്റെ പേരില് മനുഷ്യരെ തല്ലി കൊല്ലുന്ന സംഘപരിവാറിനെതിരെയാണ്. അതിനെതിരെ സമരം ചെയ്യുക തന്നെ ചെയ്യും. ഭയപ്പെടുത്തി കീഴ്പ്പെടുത്താമെന്നോ അക്രമിച്ച് ഇല്ലാതാക്കമെന്നും സഖാക്കളോ സംഘികളോ നേക്കണ്ട. പിന്നെ യെച്ചൂരിയെ തല്ലിയ സംഘികളും ജയകൃഷ്ണന് മാസ്റ്ററെ പടമാക്കിയ പിണറായിയുടെ കേരളത്തിലെ സംഘാക്കളും ഒന്നാണ്. അതാണല്ലോ ജയകൃഷ്ണന് മാസ്റ്റര് അനുസ്മരണത്തില് സംഘികള് വിളിച്ച മുദ്രാവാക്യം സഖാക്കള്ക്ക് എതിരെ അല്ലല്ലോ മുസ്ലിം മത വിശ്വസിക്കള്ക്ക് എതിരെയാണല്ലോ? സംഘികള്ക്ക് എതിരെ യുഎപിഎ പോലും ചുമത്താതെ സംരക്ഷിച്ചത് പിണറായി പോലീസ്. ഇതാണ് ചുവപ്പ് നരച്ചാല് കാവി.