Sorry, you need to enable JavaScript to visit this website.

ഖത്തറില്‍ പ്രതിദിന കോവിഡ് കേസുകള്‍ മൂവായിരത്തോടടുക്കുന്നു

ദോഹ- ഖത്തറില്‍ പ്രതിദിന കോവിഡ് കേസുകള്‍ മൂവായിരത്തോടടുക്കുന്നു,  726 യാത്രക്കാര്‍ക്കടക്കം 2779 പേര്‍ക്ക് കോവിഡ് ബാധിച്ചതോടെ രാജ്യത്തെ മൊത്തം രോഗികള്‍ 12881 ആയി.
കഴിഞ്ഞ 24 മണിക്കൂറിനുള്ളില്‍ നടന്ന 36619 പരിശോധനകളില്‍ 726 യാത്രക്കാര്‍ക്കടക്കം 2779 പേര്‍ക്കാണ് കോവിഡ് സ്ഥിരീകരിച്ചത്. 2053 പേര്‍ക്ക് സാമൂഹ്യ വ്യാപനത്തിലൂടെയാണ് രോഗം ബാധിച്ചത്. യാത്രക്കാരിലും സാമൂഹ്യ വ്യാപനത്തിലും കോവിഡ് കൂടുന്നുവെന്നത് ഏറെ ഗൗരവമുളള വിഷയമാണ്.
317 പേര്‍ക്ക് മാത്രമേ ഇന്ന് രോഗമുക്തി റിപ്പോര്‍ട്ട് ചെയ്തുള്ളു. ഇതോടെ രാജ്യത്ത് ചികിത്സയിലുള്ള മൊത്തം രോഗികള്‍ 12881 ആയി ഉയര്‍ന്നു. കഴിഞ്ഞ 24 മണിക്കൂറിനുള്ളില്‍ പുതുതായി 64 പേരെയാണ് ആശുപത്രിയില്‍ പ്രവേശിപ്പിച്ചത്. എട്ട് പേരെ തീവ്രപരിചരണ വിഭാഗത്തിലും പ്രവേശിപ്പിച്ചു. നിലവില്‍ മൊത്തം 432 പേര്‍ ആശുപത്രിയിലും 42 പേര്‍ തീവ്ര പരിചരണ വിഭാഗത്തിലും ചികിത്സയിലുണ്ട്.

 

 

Latest News