ആര് എച് ഫോര് എന്റര്ടൈന്മെന്റ് ന്റെ ബാനറില് ഫൈസല് ടി പി നിര്മ്മിച്ച് യുവനടന് അര്ജുന് അജു കൊറോട്ടുപാറയില് സംവിധാനം ചെയ്ത 'ഹു ദി അണ്നോണ്'എന്ന വെബ് സീരിസിന്റെ ആദ്യത്തെ ഭാഗം യൂട്യൂബിലൂടെ ജനങ്ങള്ക്ക് മുന്നിലെത്തി.
ഒരു സൈക്കോളജിക്കല് ത്രില്ലര് ആയ ഈ സീരിസിന് വേണ്ടി സിനിമാ പ്രേമികള് ഒന്നടങ്കം കാത്തിരിക്കുകയായിരുന്നു. ആദ്യ പ്രദര്ശനം എട്ട് ഒടിടി പ്ലാറ്റ്ഫോര്മുകളിലായി തമിഴ് മലയാളം ഭാഷകളിലായിരുന്നു സ്ട്രീമിങ്. ഒരാഴ്ച്ച കൊണ്ട് തന്നെ റെക്കോര്ഡ് കരസ്ഥമാക്കിയ സ്ട്രീമിങ് ആയിരുന്നു സീരീസിന്റേത്. തമിഴ്, മലയാളം സിനിമാ ലോകത്തെ പ്രശസ്തരാണ് മറ്റു വിവരങ്ങളെല്ലാം ഷെയര് ചെയ്തിരുന്നത് അത് കൊണ്ട് തന്നെ സീരിസ് കാണാനുള്ള കാത്തിരിപ്പിന് അതും കാരണമായി. ആദ്യ എപ്പിസോഡിന് നല്ല പ്രേക്ഷക പ്രതികരണം ആണ് ലഭിച്ചത് . സിരീസിന്റെ കഥയും സംവിധാനവും അര്ജുന് അജു കൊറോട്ടൂപാറയില് ആണ് നിര്വ്വഹിക്കുന്നത്, അനിരുധ് അനീഷ്കുമാര് ആണ് തിരക്കഥ. ക്യാമറ കൈകാര്യം ചെയ്തിരിക്കുന്നത് അക്ഷയ് മണിയും ജോ ഹെന്റി പശ്ചാത്തല സംഗീതവും ചിട്ടപ്പെടുത്തിയിരിക്കുന്നു. ചിത്രീകരണ സമയത്ത് ഉണ്ടായ ആക്ഷന് രംഗങ്ങള് എല്ലാം തന്നെ ഇതിനോടകം വൈറല് ആയിരിക്കുന്നതാണ്.
