തിരുവനന്തപുരം- ഇടുക്കി ഡാമിന്റെ ഷട്ടര് ചൊവ്വാഴ്ച രാവിലെ 11 മണിക്കും ഇടമലയാറിന്റേത് രാവിലെ ആറു മണിക്കും തുറക്കും. പമ്പാ ഡാം തുറക്കാനുള്ള സമയം ഇന്ന് തീരുമാനിക്കുമെന്നും മുഖ്യമന്ത്രി അറിയിച്ചു.
ഡാമുകള് തുറക്കുമ്പോള് വേണ്ട ജാഗ്രത നിര്ദേശം എല്ലായിടത്തും നല്കിയിട്ടുണ്ട്. ആളുകളെ സുരക്ഷിത സ്ഥാനത്തേക്ക് മാറ്റാനുള്ള നടപടി പുരോഗമിക്കുകയാണ്. അധികൃതര് നല്കുന്ന നിര്ദേശങ്ങള് അനുസരിക്കാനും അതീവ ജാഗ്രത പാലിക്കാനും എല്ലാവരും തയാറാവണമെന്ന് മുഖ്യമന്ത്രി അഭ്യര്ഥിച്ചു.
വെള്ളം തുറന്നു വിടാന് തീരുമാനിച്ച ഡാമുകള്ക്ക് ചുറ്റുമുള്ള പ്രദേശങ്ങളിലെ ജനങ്ങള് അതീവ ജാഗ്രത പുലര്ത്തണമെന്ന് മുഖ്യമന്ത്രി അഭ്യര്ഥിച്ചു.
അണക്കെട്ടുകളിലെ ജലനിരപ്പ് നിരീക്ഷിക്കുന്നതിന് സര്ക്കാര് നിയോഗിച്ച കമ്മിറ്റി തീരുമാനപ്രകാരമാണ് മൂന്ന് ഡാമുകളിലെ വെള്ളം തുറന്നു വിടുന്നത്. എല്ലാ മുന്കരുതലുകളും സ്വീകരിച്ചാണ് ഷട്ടറുകള് തുറക്കുക.
