കോഴിക്കോട്- കുറ്റ്യാടി ചുരത്തിനടുത്ത് ചൂരനി റോഡില് കാറില് യുവാവ് തീകൊളുത്തിയ നിലയില്. നിര്ത്തിയിട്ട കാറില്നിന്ന് പുക കണ്ടതോടെ നാട്ടുകാര് ഓടിയെത്തുകയായിരുന്നു. അകത്ത്നിന്ന് ലോക്ക് ചെയ്ത നിലയിലായിരുന്നു കാര്. ഇതോടെ നാട്ടുകാര് ചില്ലുകള് തകര്ത്ത് യുവാവിനെ പുറത്തെടുക്കുകയായിരുന്നു.
പെട്രോള് ഒഴിച്ചാണ് തീ കൊളുത്തിയത്. തീ വ്യാപിക്കാത്തതിനാല് നിസാരമായി പൊള്ളലേറ്റിട്ടുള്ളൂ. തീ പടരുന്നതിന് മുമ്പ് തന്നെ ആളുകള് രക്ഷിക്കുകയായിരുന്നു.
ചോദ്യങ്ങളോടൊന്നും പ്രതികരിക്കാത്തത് കൊണ്ട് തന്നെ ഇയാളുടെ പേരോ മേല് വിലാസമോ ലഭിച്ചിട്ടില്ല. കാര് വന്ന ദിശ അനുസരിച്ച് വയനാട്ടില്നിന്ന് വന്നതാകാം എന്നാണ് കരുതുന്നത്. തിരിച്ചറിയാനുള്ള ശ്രമത്തിലാണ് പോലീസ്.
