അല്ലു അര്ജുന്- ഫഹദ് ഫാസില് ടീം ഒന്നിക്കുന്ന പുഷ്പ സിനിമയിലെ ഫഹദ് ഫാസിലിന്റെ ക്യാരക്ടര് പോസ്റ്റര് പുറത്തുവിട്ടു. മൊട്ടയടിച്ച് ഗംഭീര മേക്കോവറിലാണ് ചിത്രത്തിലെ വില്ലന് കഥാപാത്രമായി ഫഹദ് എത്തുന്നത്.
ബന്വാര് സിംഗ് ഷെഖാവത്ത് ഐ.പി.എസ് എന്ന പോലീസ് ഉദ്യോഗസ്ഥന്റെ വേഷമാണ് ഫഹദിന്റേത്. ആര്യ എന്ന ചിത്രത്തിലൂടെ അല്ലു അര്ജുനെ സൂപ്പര്താരമാക്കിയ സുകുമാര് സംവിധാനം ചെയ്യുന്ന ചിത്രമാണ് പുഷ്പ. രക്തചന്ദന കടത്തുകാരനായ പുഷ്പരാജായിട്ടാണ് അല്ലു അര്ജുന് എത്തുന്നത്. ചിത്രത്തിനായി 70 കോടി രൂപയാണ് അല്ലു പ്രതിഫലമായി വാങ്ങിയതെന്നാണ് പുറത്തുവരുന്ന റിപ്പോര്ട്ടുകള്. 250 കോടി രൂപ ചെലവിട്ടാണ് ചിത്രം ഒരുക്കുന്നത്. ഓസ്കര് ജേതാവ് റസൂല് പൂക്കുട്ടിയാണ് സൗണ്ട് എന്ജിനീയര്.
