അബുദാബി- പൊതുസ്ഥലങ്ങളില്‍ പ്രവേശനം വാക്‌സിന്‍ എടുത്തവര്‍ക്കു മാത്രം പരിമിതപ്പെടുത്താനുള്ള നിര്‍ദേശത്തിന് അബുദാബി ദുരന്തനിവാരണ സമിതി അംഗീകാരം നല്‍കി. ഈ മാസം 20 മുതലാണ് ഇത് നടപ്പാക്കുക.
പൊതുസ്ഥലങ്ങളില്‍ പ്രവേശനത്തിന് അല്‍ ഹൊസന്‍ ആപ് സ്റ്റേറ്റസ് പച്ചയായിരിക്കണമെന്നാണു വ്യവസ്ഥ. 16 വയസ്സില്‍ താഴെയുള്ള കുട്ടികളാണെങ്കില്‍ പരിശോധന നടത്താതെ തന്നെ ഗ്രീന്‍ സ്റ്റേറ്റസ് ആയിരിക്കും.
2 ഡോസ് വാക്‌സിന്‍ സ്വീകരിച്ചവര്‍ ആറ് മാസത്തിനകം ബൂസ്റ്റര്‍ ഡോസ് എടുത്തില്ലെങ്കില്‍ അല്‍ ഹൊസന്‍ ആപ് സ്റ്റേറ്റസ് ചാരനിറമാകും. ബൂസ്റ്റര്‍ എടുക്കാന്‍ 30 ദിവസത്തെ സാവകാശം അനുവദിക്കുമെന്നും വ്യക്തമാക്കി.
