മലപ്പുറം-കോവിഡ് വ്യാപനത്തിന് ആക്കം കൂട്ടി ജില്ലയില് ടെസ്റ്റ് പോസിറ്റിവിറ്റി നിരക്ക് ഉയരുന്നു. ജില്ലയില് ഞായറാഴ്ച 2,681 പേര്ക്കാണ് പുതുതായി കോവിഡ് ബാധ കണ്ടെത്തിയത്. 19.35 ശതമാനമാണ് ജില്ലയില് കോവിഡ് ടെസ്റ്റ് പോസിറ്റീവിറ്റി നിരക്ക്. ഞായറാഴ്ച മാത്രം 2,987 പേര് രോഗവിമുക്തരായി. ഇതോടെ വിദഗ്ധ പരിചരണത്തിന് ശേഷം ജില്ലയില് കോവിഡ് ഭേദമായി സാധാരണ ജീവിതത്തിലേക്ക് തിരിച്ചെത്തിയവരുടെ എണ്ണം 4,20,168 പേരായി.
രോഗബാധ സ്ഥിരീകരിച്ചവരില് 2,580 പേര് രോഗികളുമായി നേരിട്ടുള്ള സമ്പര്ക്കത്തിലൂടെ വൈറസ് ബാധിതരായവരാണ്. 14 പേര്ക്ക് വൈറസ്ബാധയുണ്ടായതിന്റെ ഉറവിടം കണ്ടെത്താനായിട്ടില്ല. വിദേശരാജ്യങ്ങളില് നിന്ന് ജില്ലയില് തിരിച്ചെത്തിയ മൂന്ന് പേര്ക്കും ഇതര സംസ്ഥാനങ്ങളില് നിന്നെത്തിയ 84 പേര്ക്കും രോഗബാധ സ്ഥിരീകരിച്ചിട്ടുണ്ട്. 80,213 പേരാണ് ജില്ലയില് ഇപ്പോള് നിരീക്ഷണത്തില് കഴിയുന്നത്. 31,038 പേര് ചികിത്സയില് കഴിയുന്നു.
കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 837 പേരും കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 385 പേരും 167 പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്. തദ്ദേശഭരണ സ്ഥാപനങ്ങള്ക്കു കീഴിലുള്ള പ്രത്യേക താമസ കേന്ദ്രങ്ങളായ ഡൊമിസിലിയറി കെയര് സെന്ററുളില് 382 പേരും ശേഷിക്കുന്നവര് വീടുകളിലും മറ്റുമായും നിരീക്ഷണത്തില് കഴിയുന്നു. ജില്ലയില് ഇതുവരെ 1,802 പേരാണ് കോവിഡ് ബാധിതരായി മരിച്ചത്.
