അഴീക്കോട്- മുസ്ലിം ലീഗ് പ്രതിസന്ധിയില് പ്രതികരണവുമായി കെ എം ഷാജി. ഇരുമ്പു മറകളില് അടച്ചിട്ട നിശ്വാസങ്ങളല്ല, അഭിപ്രായ സ്വാതന്ത്ര്യത്തിന്റെ ഒഴുക്കാണ് മുസ്ലിം ലിഗില് സംഭവിച്ചുകൊണ്ടിരിക്കുന്നത് എന്നാണ് ഷാജി ഫേ്സ്ബുക്കില് കുറിച്ചത്. ഇവിടെ എതിരഭിപ്രായക്കാരനോട് പകയില്ലെന്നും അദ്ദേഹം വ്യക്തമാക്കി. എതിരഭിപ്രായം പറയുന്നവര് ശാരീരികമായോ ധാര്മ്മികമായോ കൊല്ലപ്പെടുന്ന രാഷ്ട്രീയ പരിസരത്ത് നില്ക്കുന്നവര്ക്ക് ഈ ഒഴുക്ക് മനസ്സിലാവില്ലെന്നും കുറിക്കുന്നു.
ഷാജിയുടെ ഫേയ്സ്ബുക്ക് കുറിപ്പ്
എളുപ്പത്തിന്റെയും കാഠിന്യത്തിന്റെയും സമ്മേളനമാണ് രാഷ്ട്രീയം. വിമര്ശനങ്ങളും വിയോജിപ്പുകളും ജനാധിപത്യം സക്രിയമാവുന്നതിന്റെ ഭാഗമാണ്; മുസ്ലിം ലീഗില് സംഭവിച്ചു കൊണ്ടിരിക്കുന്നതും അത് തന്നെയാണ്. ഇരുമ്പു മറകളില് അടച്ചിട്ട നിശ്വാസങ്ങളല്ല ഈ പാര്ട്ടിയില് നിന്ന് പുറത്ത് വരുന്നത്, അഭിപ്രായ സ്വാതന്ത്ര്യത്തിന്റെ ഒഴുക്കാണ്.ഇവിടെ എതിരഭിപ്രായക്കാരനോട് പകയില്ല, സംഘ ശക്തിയിലെ ഗുണകാംക്ഷകള് മാത്രം.എതിരഭിപ്രായം പറയുന്നവര് ശാരീരികമായോ ധാര്മ്മികമായോ കൊല്ലപ്പെടുന്ന രാഷ്ട്രീയ പരിസരത്ത് നില്ക്കുന്നവര്ക്ക് ഈ ഒഴുക്ക് മനസ്സിലാവില്ല.
