മുംബൈ- ജൂലൈ 19 ന് രാജ് കുന്ദ്ര അശ്ലീല വീഡിയോ നിര്‍മിച്ച് വില്‍പന നടത്തിയ കേസില്‍ അറസ്റ്റിലായത് മുതല്‍ വാര്‍ത്തകളില്‍ നിറയുകയാണ് കുന്ദ്രയുടെ ഭാര്യയും നടിയുമായ ശില്‍പ ഷെട്ടി. കേസില്‍ ശില്‍പയ്ക്ക് പങ്കുള്ളതായി ഇതുവരെ അന്വേഷണ സംഘത്തിന് തെളിവുകള്‍ ലഭിച്ചിട്ടില്ല. എന്നിരുന്നാലും ശില്‍പയും ഡയറക്ടര്‍ ബോര്‍ഡില്‍ ഉണ്ടായിരുന്ന കമ്പനിയുടെ കീഴില്‍ നടന്ന ഇത്തരമൊരു പ്രവൃത്തിയുടെ പങ്ക് ശില്‍പയ്ക്ക് അറിയാതിരിക്കുമോ എന്നാണ് ആരാധകരുടെ ചോദ്യം.
കുന്ദ്രയെ അറസ്റ്റ് ചെയ്തപ്പോള്‍ എന്തായിരുന്നു ശില്‍പയുടെ പ്രതികരണം, തെളിവെടുപ്പിനായി വന്നപ്പോള്‍ ശില്‍പ ഷെട്ടി കുന്ദ്രയ്ക്ക് നേരെ ആക്രോശിച്ചു.. നിലവിളിച്ചു.. ശില്‍പ ഷെട്ടിയുടെ ബാക്ക് അക്കൗണ്ടുകളും പരിശോധിക്കുന്നു, ശില്‍പ ഷെട്ടി ഇനി സിനിമകള്‍ ചെയ്യുമോ? അങ്ങനെ കുന്ദ്രയുടെ അറസ്റ്റിന് ശേഷം വാര്‍ത്തകളില്‍ നിറയുന്നത് മുഴുവന്‍ ശില്‍പ ഷെട്ടി മാത്രമാണ്. ഇതാദ്യമല്ല ശില്‍പ വാര്‍ത്ത ശ്രദ്ധ നേടുന്നത്.
ഇപ്പോള്‍ നിലവില്‍ നടന്നുകൊണ്ടിരിയ്ക്കുന്നത് പോണോഗ്രാഫി കേസ് ആണ്. കേസിലെ മുഖ്യ പ്രതിയാണ് ശില്‍പ ഷെട്ടിയുടെ ഭര്‍ത്താവ് രാജ് കുന്ദ്ര. ശില്‍പയും ഡയറക്ടര്‍ ആയിരുന്ന വിവാന്‍ ഇന്റസ്ട്രിയുടെ കീഴിലാണ് പോണ്‍ വീഡിയോകളും ഫോട്ടോകളും നിര്‍മിച്ചതും മൊബൈല്‍ ആപ്പിലൂടെ വിറ്റതും. കേസുമായി ബന്ധപ്പെട്ട് ശില്‍പയും കുന്ദ്രയും താമസിയ്ക്കുന്ന വീട്ടില്‍ തെളിവെടുപ്പ് നടത്തിയപ്പോള്‍ കുറേ ഏറെ അഡേള്‍സ് ഓണ്‍ലി വീഡിയോകളും ചിത്രങ്ങളും ലഭിയ്ക്കുകയും ചെയ്തു. എന്നിട്ടും ശില്‍പയ്ക്ക് ഒന്നും അറിയില്ല എന്ന് പറയാന്‍ പറ്റില്ല. അതുകൊണ്ടാണ് കേസില്‍ നടിയ്ക്ക് ക്ലീന്‍ സര്‍ട്ടിഫിക്കറ്റ് നല്‍കാത്തത്.
ബോളിവുഡില്‍ എല്ലാ കാലത്തും പ്രണയവും ബ്രേക്കപ്പും ആഘോഷം പോലെയുള്ള വാര്‍ത്തയായിരുന്നു. അക്ഷയ് കുമാറുമായുള്ള ശില്‍പ ഷെട്ടിയുടെ പ്രണയവും അത്തരത്തില്‍ ഗോസിപ്പു കോളങ്ങളില്‍ ആഘോഷിച്ചിരുന്നു. എന്നാല്‍ അധികം വൈകാതെ ഇരുവരും ബ്രേക്കപ്പ് ആകുകയും ചെയ്തു. അക്ഷയ് തന്നെ ചതിക്കുകയായിരുന്നു എന്നാണ് അന്ന് ശില്‍പ പറഞ്ഞത്. ഒരേ സമയം തന്നെയും ട്വിങ്കിള്‍ ഖന്നയെയും പ്രണയിച്ച് വഞ്ചിച്ചു എന്നുള്ള ശില്‍പയുടെ വെളിപ്പെടുത്തല്‍ അന്ന് ബോളിവുഡിലെ ഞെട്ടിക്കുന്ന വാര്‍ത്തയായിരുന്നു.
2007 ല്‍ ആയിരുന്നു ആ സംഭവം. എഡ്‌സ് ബോധവത്കരണത്തിന്റെ ഭാഗമായി നടന്ന പരിപാടിയ്ക്കിടെ അമേരിക്കന്‍ നടന്‍ ആയ റിച്ചാഡ് ഗെറെ ശില്‍പ ഷെട്ടിയുടെ കവിളില്‍ തുടര്‍ച്ചയായി ചുംബിയ്ക്കുകയും നടിയെ കെട്ടിപ്പിടിയ്ക്കുകയും ചെയ്തു. പരസ്യമായുള്ള ഈ വാത്സല്യ പ്രകടനം പക്ഷെ പൊതു സമൂഹത്തിന് രസിച്ചില്ല. വിഷയം കോടതിയില്‍ എത്തുകയും, രാജസ്ഥാന്‍ കോടതി ഇരുവരെയും അറസ്റ്റ് ചെയ്യാന്‍ ഉത്തരവ് ഇടുകയും ചെയ്തു. പിന്നീട് സുപ്രിം കോടതി വിധി മാറ്റി എഴുതുകയായിരുന്നു.
ഇന്ന് ഇന്ത്യയില്‍ മുഴുവന്‍ നടക്കുന്ന ബിഗ് ബോസ് എന്ന റിയാലിറ്റി ഷോ യഥാര്‍ത്ഥത്തില്‍ ഒരു ഇന്റര്‍നാഷണല്‍ ഗെയിം ആയിരുന്നു. ലണ്ടനില്‍ സെലിബ്രിറ്റി ബിഗ് ബ്രദര്‍ എന്ന റിയാലിറ്റി ഷോയില്‍ ആദ്യമായി പങ്കെടുത്ത ഇന്ത്യന്‍ താരമാണ് ശില്‍പ. 2002 ല്‍ ഇക്കാരണത്താല്‍ ശില്‍പ വാര്‍ത്തകളില്‍ നിറഞ്ഞു. എന്നാല്‍ ഷോയില്‍ ശില്‍പയ്ക്ക് ഒരുപാട് പ്രതിസന്ധികളെ നേരിടേണ്ടി വന്നിരുന്നു. അതും അന്താരാഷ്ട്ര തലത്തില്‍ വാര്‍ത്തയായിരുന്നു.
2006 ല്‍ ശില്‍പ ഷെട്ടിയ്ക്കും റീമ സെന്നിനും എതിരെ മധുരൈ കോടതി ജാമ്യമില്ലാ വകുപ്പ് പ്രകാരം വാറന്റ് പുറപ്പെടുവിച്ചു. അശ്ലീല രീതിയില്‍ പോസ് ചെയ്ത ഫോട്ടോ തമിഴ് പത്രത്തില്‍ പ്രസിദ്ധീകരിച്ചതിനായിരുന്നു കേസ്. അന്ന് ടൈംസ് ഓഫ് ഇന്ത്യയ്ക്ക് നല്‍കിയ അഭിമുഖത്തില്‍ ഇതിനെ കുറിച്ച് ശില്‍പ പ്രതികരിച്ചിരുന്നു. എന്റെ ഒരു ഫോട്ടോഗ്രാഫ്‌സില്‍ പൊക്കിള്‍ കാണുന്നതില്‍ എന്താണ് തെറ്റ്. അത് അത്ര വലിയ അശ്ലീലമാണെങ്കില്‍ പരമ്പരാഗത വേഷം എന്ന് അവകാശപ്പെടുന്ന സാരി ഇവിടെ നിരോധിക്കണം- എന്നായിരുന്നു ശില്‍പയുടെ പ്രതികരണം
