ദോഹ- ഖത്തറില് കോവിഡ് പ്രോട്ടോക്കോള് ലംഘിച്ച 719 പേര് പിടിയിലായതായി ആഭ്യന്തര മന്ത്രാലയം അറിയിച്ചു. രാജ്യത്തിന്റേയും ജനങ്ങളുടേയും സുരക്ഷ കണക്കിലെടുത്ത് എല്ലാവരും പ്രോട്ടോക്കോളുകള് കണിശമായി പാലിക്കണമെന്ന് അധികൃതര് ആവശ്യപ്പെട്ടു. പിടിയിലായവരില് പ്രവാസികളും ഉള്പ്പെടുന്നു.
ഫേസ് മാസ്ക് ധരിക്കാത്തതിന് 542 പേര്, സുരക്ഷിതമായ സാമൂഹിക അകലം പാലിക്കാത്തതിന് 10 പേര്, കോര്ണിഷിലും പാര്ക്കുകളിലും കൂട്ടം കൂടിയതിന് 132 പേര്, മൊബൈലില് ഇഹ്തിറാസ് ആപഌക്കേഷന് ഇന്സ്റ്റാള് ചെയ്യാത്തതിന് 10 പേര് , വാഹനത്തില് അനുവദിച്ചതിലും കൂടുതല് പേരെ കയറ്റിയതിന് 5 പേര് എന്നിങ്ങനെയാണ് ഇന്നലെ പോലീസ് പിടികൂടിയത്.
പിടികൂടിയവരെയെല്ലാം തുടര് നടപടികള്ക്കായി പബ്ലിക് പ്രോസിക്യൂഷന് കൈമാറിയിരിക്കുകയാണ്.
രാജ്യത്തിന്റേയും ജനങ്ങളുടേയും സുരക്ഷയുമായയി ബന്ധപ്പെട്ടതിനാല് കോവിഡ് പ്രോട്ടോക്കോല് ലംഘനങ്ങളെ വളരെ ഗുരുതരമായാണ് ആഭ്യന്തര മന്ത്രാലയം കാണുന്നത്.
