റിയാദ് - അടുത്ത മാസവും (ശവ്വാല്) കൊറോണ വാക്സിന് സ്വീകരിച്ചവര്ക്കു മാത്രമേ ഉംറ പെര്മിറ്റ് അനുവദിക്കുകയുള്ളൂവെന്ന് ഹജ്, ഉംറ മന്ത്രാലയം വ്യക്തമാക്കി. അടുത്ത മാസം വാക്സിന് സ്വീകരിച്ചവരും അല്ലാത്തവരും അടക്കം എല്ലാവര്ക്കും ഉംറ അനുമതി നല്കുമോയെന്ന ഉപയോക്താക്കളില് ഒരാളുടെ അന്വേഷണത്തിന് മറുപടിയായി, കൊറോണ വാക്സിന് സ്വീകരിച്ചവര്ക്കു മാത്രമായിരിക്കും ഉംറ അനുമതിയെന്ന് ഹജ്, ഉംറ മന്ത്രാലയത്തിനു കീഴിലെ കമ്മ്യൂണിക്കേഷന് ആന്റ് സര്വീസസ് സെന്റര് പറഞ്ഞു. റമദാനില് കൊറോണ വാക്സിന് സ്വീകരിച്ച് രോഗപ്രതിരോധ ശേഷി ആര്ജിച്ചവര്ക്കു മാത്രമാണ് ഉംറ അനുമതി നല്കുന്നത്.
