ന്യൂദൽഹി- രാജ്യത്ത് 24 മണിക്കൂറിനിടെ 2.34 ലക്ഷം പേർക്ക് കൂടി കോവിഡ് ബാധിച്ചു. 2,34,692 പേർക്കാണ് പുതുതായി രോഗം സ്ഥിരീകരിച്ചത്. കോവിഡ് വ്യാപിച്ചു തുടങ്ങിയതിനുശേഷം ഏറ്റവും കൂടിയ പ്രതിദിന നിരക്കാണിത്. 17 ലക്ഷത്തിനടത്താണ് ആക്ടീവ് കേസുകള്.
വിവിധ സംസ്ഥാനങ്ങളിലായി 1,341 പേർ മരിച്ചു. ഇതോടെ മരണസംഖ്യ 1,75,649 ആയും വർധിച്ചു. രാജ്യത്തെ ആകെ കോവിഡ് ബാധിച്ചവരുടെ എണ്ണം 1,45,26,609 ആയതായും കേന്ദ്ര ആരോഗ്യ മന്ത്രാലയത്തിന്റെ കണക്കുകള് വ്യക്തമാക്കുന്നു.
രാജ്യത്തെ വിവിധ സംസ്ഥാനങ്ങളിലായി 16,79,740 പേരാണ് ചികിത്സയിൽ കഴിയുന്നുത്. കഴിഞ്ഞ 24 മണിക്കൂറിനിടെ 1,23,354 പേർ രോഗമുക്തരായി. ഇതോടെ രാജ്യത്തെ ആകെ രോഗമുക്തരുടെ എണ്ണം 1,26,71,220 ആയി.
രാജ്യത്ത് ഇതുവരെ 11,99,37,641 പേർക്ക് കോവിഡ് വാക്സിൻ നൽകിയതായും കേന്ദ്രആരോഗ്യമന്ത്രാലയം അറിയിച്ചു.