ചെന്നൈ-ഒരു കാലത്ത് തെന്നിന്ത്യന് സിനിമകളിലെ നിറ സാന്നിധ്യമായിരുന്നു ഷക്കീല. സൂപ്പര്താര ചിത്രങ്ങള്ക്ക് പോലും അക്കാലത്ത് ഷക്കീല ചിത്രങ്ങള് വെല്ലുവിളി ഉയര്ത്തിയിരുന്നു. മോഹന്ലാല്, മമ്മുട്ടി പടങ്ങള് പോലും റിലീസ് മാറ്റി വെച്ച ഒരു കാലം മലയാളത്തിനുണ്ടായിരുന്നു. അതെല്ലാം ഓര്മകളായി. നിലവില് സിനിമാ തിരക്കുകള് ഇല്ലാതെ ചെന്നൈയില് താമസിച്ച് വരികയാണ് താരം. ഇപ്പോഴിതാ തന്റെ മകളെ ആരാധകര്ക്ക് മുന്നില് അവതരിപ്പിക്കുകയാണ് ഷക്കീല. ഫാഷന് ഡിസൈനറായ മില്ലയാണ് ഷക്കീലയുടെ മകള്. ട്രാന്സ്ജെന്ഡറായ മില്ലയെ ഷക്കീല ദത്തെടുക്കുകയായിരുന്നു. തന്റെ ജീവിതത്തിലെ ഏറ്റവും ദുര്ഘടമായ നിമിഷങ്ങളില് മില്ലയായിരുന്നു തനിക്ക് ജീവിക്കാനുള്ള കരുത്ത് നല്കിയതെന്നും ഷക്കീല പറഞ്ഞു. തനിക്ക് കൂട്ടിന് ഒരു മകളുണ്ടെന്ന് ഷക്കീല ഈയിടെ ഒരു ടെലിവിഷന് ഷോയില് വ്യക്തമാക്കിയിരുന്നു.
