കോട്ടയം- മുന്മുഖ്യമന്ത്രി ഉമ്മന് ചാണ്ടിയെ നേമത്ത് മത്സരിപ്പിക്കുമെന്ന വാർത്തകള്ക്കിടെ പുതുപ്പള്ളിയിൽ ഉമ്മൻ ചാണ്ടിയുടെ വീടിനു മുന്നിൽ പ്രതിഷേധവുമായി കോൺഗ്രസ് പ്രവർത്തകർ.
ഉമ്മൻ ചാണ്ടിയെ നേമത്തേക്ക് വിട്ടു നൽകില്ലെന്നും പുതുപ്പള്ളിയിൽ തന്നെ മത്സരിക്കണമെന്നുമാണ് ഇവരുടെ ആവശ്യം.
പ്രവർത്തകരിൽ ചിലർ ഉമ്മൻ ചാണ്ടിയുടെ ഫോട്ടോയുമായി വീടിനു മുകളിൽ കയറിയും പ്രതിഷേധിച്ചു. അതേസമയം, ഉമ്മൻ ചാണ്ടി പുതുപ്പള്ളി വിട്ട് എങ്ങോട്ടും പോകില്ലെന്ന് കോൺഗ്രസ് നേതാവ് കെ.സി. ജോസഫ് പറഞ്ഞു.
പുതുപ്പള്ളിയിലെത്തിയ ഉമ്മന്ചാണ്ടിക്ക് വൈകാരിക സ്വീകരണമാണ് പ്രവർത്തകർ നല്കിയത്.