പെരുമ്പാവൂര്- നെടുമ്പാശ്ശേരിയില് നിന്നും രാമപുരത്തേക്ക് പോവുകയായിരുന്ന കാര് കൂത്താട്ടുകുളം - രാമപുരം റൂട്ടില് പെരുംകുറ്റിയില് നിയന്ത്രണം വിട്ട് ചായക്കടയിലേക്ക് ഇടിച്ചു കയറി പത്ത് അടി താഴ്ചയുള്ള തോട്ടിലേക്ക് പതിക്കുകയായിരുന്നു. ചായക്കടയോട് ചേര്ന്ന് റോഡില് ചായ കുടിച്ചു കൊണ്ടിരുന്ന തേക്കുംകാട്ടില് പൈലി, കുഴിപ്പില് മോഹനന് എന്നിവരെ കാര് ഇടിച്ച് തെറിപ്പിക്കുകയായിരുന്നു.
ഇന്ന് രാവിലെയാണ് അപകടം ഉണ്ടായത്. കൂത്താട്ടുകുളം ദേവമാതാ ആശുപത്രിയില് എത്തിച്ചുവെങ്കിലും കുഴിപ്പില് മോഹനന്റെ ജീവന് രക്ഷിക്കാനായില്ല. കാര് യാത്രികയായ സ്ത്രീക്ക് കാലിന് പൊട്ടല് ഏറ്റു. കാര് ഡ്രൈവര് നിസാര പരിക്കുകളോടെ ദേവമാതാ ആശുപത്രിയില്. പൈലി തേക്കുംകാട്ടിലിനെ വിദഗ്ദ ചികിത്സക്ക് കോട്ടയം മെഡിക്കല് കോളേജിലേക്ക് മാറ്റി.
