കൊച്ചി- മന്ത്രി തോമസ് ചാണ്ടിക്കെതിരായ ഭൂമി കൈയേറ്റ കേസില് സര്ക്കാരിനെതിരേ രൂക്ഷ വിമര്ശനവുമായി ഹൈക്കോടതി. തോമസ് ചാണ്ടിക്ക് പ്രത്യേക പരിഗണനയാണോ സര്ക്കാര് നല്കുന്നതെന്ന് ചോദിച്ച കോടതി, സാധാരണക്കാരന് ഭൂമി കൈയേറിയാല് ഇതേ നിലപാടാണോ സ്വീകരിക്കുകയെന്നും ആരാഞ്ഞു. തൃശൂര് സ്വദേശി ടി.എന്. മുകുന്ദന് സമര്പ്പിച്ച പൊതുതാല്പര്യ ഹരജി സ്വീകരിച്ചുകൊണ്ടാണ് ഡിവിഷന് ബെഞ്ചിന്റെ വിമര്ശം.
