ന്യൂദല്‍ഹി- കര്‍ഷക പ്രക്ഷോഭത്തില്‍ കേന്ദ്രസര്‍ക്കാരിനെതിരെ വിമര്‍ശനവുമായി കോണ്‍ഗ്രസ് മുന്‍ പ്രസിഡന്റ് രാഹുല്‍ ഗാന്ധി.
അഹങ്കാരത്തിന്റെ കസേരയില്‍ നിന്ന് എഴുന്നേറ്റ് കര്‍ഷകര്‍ക്ക് അവകാശങ്ങള്‍ നല്‍കൂയെന്ന് രാഹുല്‍ ട്വിറ്ററില്‍ കുറിച്ചു.
കര്‍ഷകര്‍ തെരുവില്‍ പ്രക്ഷോഭം നടത്തുന്നു. ചാനലുകളില്‍ നുണ പ്രചാരണം നടക്കുന്നു. കര്‍ഷകന്റെ കഠിനാധ്വാനത്തിന് നാമെല്ലാവരും കടപ്പെട്ടിരിക്കുന്നു.
അവര്‍ക്ക് നീതിയും അവകാശങ്ങളും നല്‍കി കടത്തില്‍ നിന്ന് രക്ഷിക്കുകയാണ് ചെയ്യേണ്ടത്. അല്ലാതെ ലാത്തികളും ടിയര്‍ ഗ്യാസുകളും കൊണ്ട് അവരെ അധിക്ഷേപിക്കുകയല്ല.
ഉണരൂ, അഹങ്കാരത്തിന്റെ കസേരയില്‍ നിന്ന് എഴുന്നേറ്റ് ചിന്തിക്കൂ, കര്‍ഷകര്‍ക്ക് അവരുടെ അവകാശങ്ങള്‍ നല്‍കൂ എന്നായിരുന്നു രാഹുലിന്റെ ട്വീറ്റ്.
