ലണ്ടന്- പെണ്കുട്ടികളുടെ വ്യാജ പ്രൊഫലുകളുണ്ടാക്കി യു.കെയില് 36 കാരന് ചൂഷണം ചെയ്തത് 500 ആണ്കുട്ടികളെ. ഇവരുടെ ദൃശ്യങ്ങള് ഉപയോഗിച്ച് ബ്ലാക്ക് മെയില് ചെയ്യുകയായിരുന്നു ലക്ഷ്യം.
ബ്രിട്ടനിലും ലോകത്തെമ്പാടുമായി ഇയാള് പെണ്കുട്ടികളെന്ന പേരില് ബന്ധപ്പെട്ടത് അയ്യായിരം ആണ്കുട്ടികളുമായാണ്.
ഫെയ്സ് ബുക്കും മറ്റു സോഷ്യല് മീഡിയകളുമാണ് ഇതിന് ഉപയോഗിച്ചത്.
പെണ്കുട്ടികളുടെ സെക്സ് വിഡിയോകള് അയച്ചുകൊടുത്ത് വിശ്വസിപ്പിച്ച് പകരം ആണ്കുട്ടികളുടെ നഗ്നദൃശ്യങ്ങള് കരസ്ഥമാക്കുകയായിരുന്നു. പിന്നീട് ഈ ദൃശ്യങ്ങള് ഉപയോഗിച്ച് ബ്ലാക്ക് മെയില് ചെയ്താണ് ആണ്കുട്ടികളെ ലൈംഗികമായി ഉപയോഗിച്ചത്.
നോര്ഫോള്ക് സ്വദേശി ഡേവിഡ് നിക്കോളാസ് വില്സനാണ് വിചാരണ നേരിടുന്നത്. നാല് മുതല് 14 വയസ്സുവരെ പ്രായമുള്ള 51 കുട്ടികളെ ലൈംഗികമായി ചൂഷണം ചെയ്ത 96 കേസുകളില് ഇയാള് കുറ്റം സമ്മതിച്ചു. രജിസ്റ്റര് ചെയ്യാത്ത മൊബൈല് ഫോണുകള് ഉപയോഗിച്ചാണ് ഇയാള് കുട്ടികളുമായി ബന്ധപ്പെട്ടിരുന്നത്. 2021 ജനുവരി 12-ന് പ്രതിക്കെതിരെ ശിക്ഷ വിധിക്കും.