റിയാദ് - ദക്ഷിണ സൗദിയില് ഡ്രോണ് ആക്രമണം നടത്താനുള്ള ഹൂത്തി മിലീഷ്യകളുടെ ശ്രമം സഖ്യസേന പരാജയപ്പെടുത്തി. ഇന്ന് രാവിലെയാണ് സ്ഫോടക വസ്തുക്കള് നിറച്ച പൈലറ്റില്ലാ വിമാനം ഉപയോഗിച്ച് ദക്ഷിണ സൗദിയില് സിവിലിയന് കേന്ദ്രങ്ങള് ലക്ഷ്യമിട്ട് ആക്രമണം നടത്താന് ഹൂത്തികള് ശ്രമിച്ചത്.
ലക്ഷ്യസ്ഥാനത്തെത്തുന്നതിനു മുമ്പായി ഡ്രോണ് കണ്ടെത്തി വെടിവെച്ചിടാന് സഖ്യസേനക്ക് സാധിച്ചതായി സഖ്യസേനാ വക്താവ് കേണല് തുര്ക്കി അല്മാലികി അറിയിച്ചു.
