തിരുവനന്തപുരം - അണ്ലോക്ക് നാലാം ഘട്ടത്തില് കൂടുതല് ഇളവുകള് പ്രഖ്യാപിച്ച് കേരളം. ഹോട്ടലുകളില് ഇരുന്ന് ഭക്ഷണം കഴിക്കാം. മറ്റ് സംസ്ഥാനങ്ങളില്നിന്നും വിദേശങ്ങളില്നിന്നും എത്തുന്നവര്ക്ക് ഏഴ് ദിവസത്തെ ക്വാറന്റൈന് മതിയെന്നും സര്ക്കാര് തീരുമാനിച്ചു. ഏഴാം ദിവസം പരിശോധിച്ച് കോവിഡ് പോസിറ്റീവ് അല്ലെങ്കില് ക്വാറന്റൈന് വേണ്ട. സര്ക്കാര് ഓഫീസുകളില് മുഴുവന് ജീവനക്കാര്ക്കും എത്താം. നൂറ് ശതമാനം ഹാജരോടെ പ്രവര്ത്തിപ്പിക്കും. ഹോട്ടലുകളില് പാര്സലിന് മാത്രമാണ് അനുമതിയുണ്ടായിരുന്നത്. എന്നാല് ഇനി മുതല് ഹോട്ടലുകളില് സാധാരണപോലെ ഇരുന്നു ഭക്ഷണം കഴിക്കാനും അനുമതി നല്കിയിട്ടുണ്ട്.
