മാഡ്രിഡ്-നടി കനി കുസൃതിക്ക് അന്താരാഷ്ട്ര പുരസ്ക്കാരം. ബിരിയാണി എന്ന ചിത്രത്തിലെ അഭിനയത്തിനാണ് പുരസ്കാരം ലഭിച്ചിരിക്കുന്നത്. സ്പെയിനിലെ മാഡ്രിഡിലെ ഇമാജിന് ഫിലിം ഫെസ്റ്റിവലിലാണ് കനി കുസൃതി മികച്ച രണ്ടാമത്തെ നടിക്കുള്ള അന്താരാഷ്ട്ര പുരസ്കാരം നേടിയത്. പ്രശസ്ത അഫ്ഗാനിസ്ഥാന് നടി ലീന അലാമും അന്താരാഷ്ട്ര തലത്തില് അറിയപ്പെടുന്ന പ്രമുഖ കസാക്കിസ്ഥാന് സിനിമ നിര്മ്മാതാവായ ഓള്ഗ കലഷേവയും അംഗങ്ങളായ ജൂറിയാണ് അവാര്ഡ് നിര്ണ്ണയിച്ചത്. സജ്ജിന് ബാബുവാണ് ചിത്രത്തിന്റെ സംവിധാകന്.
റോമിലെ ഏഷ്യാട്ടിക്ക ഫെസ്റ്റിവലില് വേള്ഡ് പ്രീമിയറായിട്ടാണ് ബിരിയാണി ആദ്യം പ്രദര്ശിപ്പിച്ചത്. അവിടെ മികച്ച സിനിമക്കുള്ള നെറ്റ്പാക്ക് അവാര്ഡ് നേടി. കടല് തീരത്ത് താമസിക്കുന്ന കദീജയുടേയും, ഉമ്മയുടേയും ജീവിത കഥയാണ് 'ബിരിയാണി' എന്ന ചിത്രത്തിന്റെ പ്രമേയം. കദീജയായി കനി കുസൃതിയും, ഉമ്മയായി ശൈലജ ജലയുമാണ് പ്രധാന വേഷങ്ങള് കൈകാര്യം ചെയ്തിരിക്കുന്നത്. ബാംഗ്ലൂര് അന്താരാഷ്ട്ര ഫിലിം ഫെസ്റ്റിവലിലെ ജൂറി അവാര്ഡ്, മികച്ച തിരക്കഥക്കുള്ള പത്മരാജന് പുരസ്ക്കാരം, അമേരിക്ക, ഫ്രാന്സ്, ജര്മ്മനി, നേപ്പാള് തുടങ്ങി വിവിധ അന്താരാരാഷ്!ട്ര ഫിലിം ഫെസ്റ്റിവല് സെലക്ഷന്സ് എന്നിവ ബിരിയാണി സ്വന്തമാക്കിയിട്ടുണ്ട്. യു എ എന് ഫിലിം ഹൗസിന്റെ ബാനറില് നിര്മ്മിച്ചിരിക്കുന്ന ബിരിയാണിയുടെ ഛായാഗ്രഹണം കാര്ത്തിക് മുത്തുകുമാറാണ് നിര്വഹിച്ചിരിക്കുന്നത്