റിയാദ്- സൗദി അറേബ്യയില് നിന്ന് നാട്ടിലേക്ക് റീ എന്ട്രിയില് പോയവരുടെ ഇഖാമയുടെ കാലാവധി ഒരു മാസത്തേക്ക് ദീര്ഘിപ്പിച്ചതായി ജവാസാത്ത് ഡയറക്ടറേറ്റ് അറിയിച്ചു. സെപ്തംബര് ഒന്നിനും 30നും ഇടയില് റീ എന്ട്രി കാലാവധി അവസാനിക്കുന്നവര്ക്കാണ് ഇഖാമയുടെ കാലാവധി ഒരു മാസത്തേക്ക് ദീര്ഘിപ്പിച്ചുനല്കുന്നത്. തിരുഗേഹങ്ങളുടെ സേവകന് സല്മാന് രാജാവിന്റെ നിര്ദേശപ്രകാരം മാനവശേഷി മന്ത്രാലയം, നാഷണല് ഇന്ഫര്മേഷന് സെന്റര് എന്നിവയുമായി സഹകരിച്ചാണ് ഈ നടപടി. ഒരാഴ്ച മുമ്പ് എല്ലാവരുടെയും റീ എന്ട്രി സെപ്തംബര് 30 വരെ ദീര്ഘിപ്പിച്ചിരുന്നു.
