ഹുസ്നയുടെ പെൻസിൽ ലെഡിൽ വിരിഞ്ഞ വന്ദേമാതരത്തിന് ലിംക ഇന്ത്യ ബുക്ക് ഓഫ് റെക്കോർഡ്. ചങ്ങനാശേരി സ്വദേശിയാണ് ഹുസ്ന. സമൂഹമാധ്യമങ്ങളിലും ഹിറ്റാണ് ഹുസ്നയുടെ പെൻസിൽ രൂപങ്ങൾ. പേരുകളും രൂപങ്ങളും തുടങ്ങി ഖുർആൻ ആയത്തുകൾ വരെ പെൻസിൽ ലെഡിൽ കൊത്തിയെടുത്തിട്ടുണ്ട് ഈ മിടുക്കി. അംഗീകാരത്തിനായുള്ള അപേക്ഷയോടൊപ്പം രൂപം കൊത്തിയെടുക്കുന്നതിന്റെ രണ്ട് മണിക്കൂർ ദൈർഘ്യമുള്ള വീഡിയോയും അയച്ചിരുന്നു.
ആവശ്യക്കാർക്ക് ഗിഫ്റ്റ് ബോക്സുകളും തയ്യാറാക്കി നൽകാറുണ്ട്. ചങ്ങനാശ്ശേരി അസംപ്ഷൻ കോളേജിൽ ബി.ബി.എ മൂന്നാം വർഷ വിദ്യാർത്ഥിനിയാണ്. ബാപ്പ അബ്ദുൽ സ്വാലിഹ് കെ.എസ്.ആർ.ടി.സി ജീവനക്കാരനാണ്. ഉമ്മ :അനീഷാ. സഹോദരൻ : സൽമാൻ
