പാണ്ടിക്കാട്- രണ്ടുമാസം പ്രായമായ പെൺകുഞ്ഞുമായി അമ്മ കിണറ്റിൽ ചാടി. അമ്മയെ രക്ഷിക്കാനായങ്കിലും കുഞ്ഞ് മരിച്ചു. പാണ്ടിക്കാട് എറിയാട്ടിൽ തൊടീരി ശിവന്റെ മകൾ ആതിരയാണ് തറവാട്ട് വീട്ടിലെ കിണറിൽ ചാടിആത്മഹത്യക്ക് ശ്രമിച്ചത്. ഞായറാഴ്ച രാവിലെ എട്ടരയോടെയാണ് സംഭവം.
വീട്ടുകരും സമീപവാസികളും ചേർന്നാണ് ആതിരയെ രക്ഷപ്പെടുത്തിയത്. കുഞ്ഞ് വെള്ളത്തിനടിയിലേക്ക് താഴ്ന്നിരുന്നു. മഞ്ചരിയിൽ നിന്ന് അഗ്നിശമന സേനയും പോലീസുമെത്തിയാണ് മൃതദേഹം പുറത്തെടുത്തത്.
കാളികാവ് സ്വദേശി പ്രകാശിന്റെ ഭാര്യയാണ് ആതിര. എറിയാടുള്ള സ്വന്തം വീട്ടിലാണ് താമസം.ആതിരക്ക് മാനസിക വിഭ്രാന്തിയുള്ളതായി ബന്ധുക്കള് പറഞ്ഞു.