അബുദാബി-അബുദാബിയില് പ്രവേശിക്കാനുള്ള അതിവേഗ കോവിഡ് പരിശോധന ഗന്ദൂതിലെ വിശാലമായ പരിശോധനാ കേന്ദ്രത്തില് 24 മണിക്കൂറും നടത്താം. പെരുന്നാള് തിരക്ക് കണക്കിലെടുത്താണിതെന്ന് 'സിഹ ' അധികൃതര് അറിയിച്ചു.
ഗന്ദൂത് കേന്ദ്രത്തില് പ്രതിദിനം 10,000 പരിശോധനകള് വരെ നടത്താന് കഴിയുമെന്ന് പ്രൊജക്ട് മാനേജര് അബ്ദുല്ല റാഷിദി പറഞ്ഞു. 500 പി.സി.ആര് ടെസ്റ്റുകള് നടത്താനും ഇവിടെ ഇപ്പോള് സൗകര്യമുണ്ട്. സ്ത്രീകള്ക്ക് പ്രത്യേക സൗകര്യമൊരുക്കി. 250 ഉദ്യോഗസ്ഥരാണ് ജോലി ചെയ്യുന്നത്.