മുംബൈ- വെള്ളിയാഴ്ച രാവിലെ പെയ്ത അതിശക്തമായ മഴയെ തുടര്‍ന്ന് മുംബൈ നഗരത്തിന്റെ വിവിധഭാഗങ്ങള്‍ വെള്ളത്തിലായി. കനത്ത മഴക്ക് സാധ്യതയുള്ളതിനാല്‍ മുംബൈയില്‍ ഓറഞ്ച് അലര്‍ട്ട് പ്രഖ്യാപിച്ചിട്ടുണ്ട്.നഗരത്തിലെ തിരക്കേറിയ റോഡുകളില്‍ ഗതാഗതകുരുക്ക് രൂപപ്പെട്ടു.മഴയെ തുടര്‍ന്ന് നഗരത്തില്‍ ജലവിതരണം, വൈദ്യുതി എന്നിവ തടസ്സപ്പെടാന്‍ സാധ്യതയുണ്ട്. കനത്ത മഴയില്‍ ചിലയിടങ്ങളില്‍ മരങ്ങള്‍ കടപുഴകി വീണു.ലോക്ക്ഡൗണ്‍ നിയന്ത്രണങ്ങള്‍ നിലനില്‍ക്കുന്ന സാഹചര്യത്തില്‍ ജനങ്ങള്‍ ജാഗ്രത പുലര്‍ത്തണമെന്നും പ്രദേശവാസികള്‍ പുറത്തിറങ്ങരുതെന്നും അധികൃതര്‍ ആനശ്യപ്പെട്ടു.വെള്ളിയാഴ്ച മൂന്നുമണിക്കൂറോളം മഴ നീണ്ടു.കൊളാബയില്‍ 57.7 മില്ലിമീറ്ററും സാന്തക്രൂസില്‍ 11.4 മില്ലിമീറ്ററും മഴയാണ് രേഖപ്പെടുത്തിയത്‌
