ന്യൂദല്ഹി- രാജ്യത്ത് 15,413 പേര്ക്ക് കൂടി കോവിഡ് സ്ഥിരീകരിച്ചു. ആദ്യമായാണ് ഒരു ദിവസം കൊണ്ട് ഇത്രയും അധികം പേര്ക്ക് വൈറസ് ബാധ സ്ഥിരീകരിക്കുന്നത്. ഇതോടെ കോവിഡ് ബാധിതരുടെ എണ്ണം 4.10 ലക്ഷമായി ഉയര്ന്നു. കേന്ദ്രആരോഗ്യമന്ത്രാലയമാണ് പുതിയ റിപ്പോര്ട്ട് പുറത്തുവിട്ടത്. വെറും എട്ട് ദിവസം കൊണ്ട് മാത്രം 101,468 പേര്ക്ക് കൂടി വൈറസ് ബാധ സ്ഥിരീകരിച്ചു.
ജൂണ് 308,993 പേര്ക്കായിരുന്നു കോവിഡ് ബാധിച്ചിരുന്നത്. മെയ് 19നും ജൂണ് 20നും ഇടയിലാണ് 75% കോവിഡ് ബാധകളും റിപ്പോര്ട്ട് ചെയ്തിരിക്കുന്നത്.ഇന്ന് മാത്രം 306 കോവിഡ് മരണങ്ങളും റിപ്പോര്ട്ട് ചെയ്തിട്ടുണ്ട്.മെയ് 17ന് സമാപിച്ച ആഴ്ചയില് 4.6% ല് നിന്ന് ജൂണ് 17ന് സമാപിച്ച ആഴ്ചയിലെത്തിയപ്പോള് 7.8% ആയാണ് കോവിഡ് കേസുകള് ഉയര്ന്നത്. ആരോഗ്യമന്ത്രാലയത്തിലെ വിവരങ്ങള് അനുസരിച്ച് 169,451 പേരാണ് നിലവില് ചികിത്സയിലുള്ളത്. 227756 പേര് രോഗമുക്തരായി. ഇതുവരെ വൈറസ് ബാധ മൂലം മരിച്ചത് 13254 പേരാണ്.
