കൊണ്ടോട്ടി- മൽസ്യലോറി ടെമ്പോട്രാവലറിൽ ഇടിച്ച് ഡ്രൈവർ മരിച്ചു. പുളിക്കൽ ആന്തിയൂർകുന്ന് ചെറിയമ്പാടൻ ഖാലിദിന്റെ മകൻ ഹസീൽ (26) ആണ് മരിച്ചത്. ഇന്ന് രാത്രി 8.30ഓടെ വെള്ളുവമ്പ്രത്തിനടുത്ത പുല്ലാരയിലാണ് അപകടം.
വാഹനത്തിന്റെ സ്‌പെയർ പാർട്‌സുകൾ വിതരണം ചെയ്യുന്ന വാഹനത്തിലെ െ്രെഡവറാണ് ഹസീൽ.
മഞ്ചേരിയിൽ കടകളിൽ സാധനങ്ങൾ ഇറക്കി വീട്ടിലേക്ക് വരവെ എതിരെ വന്ന മൽസ്യവിതരണലോറി ഇടിക്കുകയായിരുന്നു. ഉടനെ കോഴിക്കോട് സ്വകാര്യആശുപത്രിയിൽ
എത്തിച്ചെങ്കിലും 10 മണിയോടെ മരണപ്പെട്ടു. മൃതദേഹം കോഴിക്കോട് മെഡിക്കൽകോളേജിൽ.ജിദ്ദയില്‍ പ്രവാസജീവിതം അവസാനിപ്പിച്ച ശേഷമാണ് നാട്ടിലേക്ക് മടങ്ങിയത്. ഭാര്യ: നുംന ആന്തിയൂർക്കുന്ന്. മാതാവ്: റുഖിയ്യ.സഹോദരങ്ങൾ:അസ്‌ലം,അനീബറസ്‌വി,ഹസ്‌ന ഖാലിദ്
