ദമാം- പത്തനംതിട്ട അടൂർ കൊടുമൺ സ്വദേശി മുല്ലക്കൽ കിഴക്കേതിൽ ഹരികുമാർ (52) ദമാമിൽ കോവിഡ് ബാധിച്ചു മരിച്ചു. കഴിഞ്ഞ ഒരാഴ്ച മുൻപ് ശ്വാസതടസത്തെ തുടർന്ന് ദമാം സെൻട്രൽ ആശുപത്രി തീവ്ര പരിചരണ വിഭാഗത്തിൽ കഴിഞ്ഞിരുന്ന ഇദ്ദേഹത്തിന്റെ കോവിഡ് പരിശോധനയിൽ പോസിറ്റിവ് സ്ഥിരീകരിച്ചിരുന്നു. രോഗം മൂർച്ഛിച്ചതിനെ തുടർന്ന് വെന്റിലേറ്ററിലേക്ക് മാറ്റുകയും ഇന്നു രാവിലെ പത്തു മണിയോടെ മരണം സംഭവിക്കുകയും ചെയ്തു. 25 വർഷമായി ദമാം സൗദി പേപ്പർ കമ്പനി ജീവനക്കാരനാണ്. ഭാര്യ: അനിത, മക്കൾ ഹരിത, ഹേമന്ത്. മൃതദേഹം സംസ്‌കരിക്കുന്നതുമായ നടപടി ക്രമങ്ങൾ ദമാം നവയുഗത്തിന്റെ നേതൃ ത്വതിൽ പുരോഗമിക്കുന്നു.
