തിരുവനന്തപുരം- കര്ണാടകയിലെ ആശുപത്രികളിലേക്ക് കോവിഡ് അല്ലാത്ത രോഗികളുമായി ആംബുലന്സ് കടത്തിവിടാന് അനുവാദമായതായി മുഖ്യമന്ത്രി പിണറായി വിജയന് അറിയിച്ചു. തലപ്പാടി ചെക്ക്പോസ്റ്റില് കര്ണാടകയുടെ മെഡിക്കല് ടീം ഉണ്ടാകും. മെഡിക്കല് സര്ട്ടിഫിക്കറ്റുകളോടെ ഏത് ആശുപത്രിയിലാണ് പോകുന്നത് എന്ന് നിശ്ചയിച്ച് ഇങ്ങനെ അനുവാദം നല്കാമെന്നാണ് കര്ണാടക സര്ക്കാര് അറിയിച്ചത്.
കര്ണാടക-തമിഴ്നാട് അതിര്ത്തി പ്രദേശങ്ങളിലെ ആളുകള്ക്ക് വയനാട് ജില്ലയിലെ ആശുപത്രികളില് ചികിത്സക്കെത്താനുള്ള സൗകര്യം ചെയ്തു കൊടുക്കുന്നുണ്ട്. കര്ണാടകയിലെ ബൈരക്കുപ്പ, മച്ചൂര് തുടങ്ങിയ സ്ഥലങ്ങളില്നിന്നും തമിഴ്നാട്ടിലെ പന്തല്ലൂര്, ഗൂഡല്ലൂര് താലൂക്കില് നിന്നുമുള്ളവരാണ് വയനാട് ജില്ലയിലെ ആശുപത്രികളില് ചികിത്സക്കെത്തുന്നത്.
ബൈരക്കുപ്പിയില്നിന്ന് 29 പേര് കഴിഞ്ഞ ദിവസങ്ങളില് എത്തിയിട്ടുണ്ട്. തമിഴ്നാട്ടില്നിന്ന് 44 പേരാണ് ചികിത്സയ്ക്ക് വന്നത്.
