കല്ലറ- രണ്ടുവയസ്സായ മകളെ ഉപേക്ഷിച്ച് കാമുകനോടൊപ്പം ഒളിച്ചോടിയ യുവതിയെ കോടതിയില് ഹാജരാക്കി റിമാന്ഡ് ചെയ്തു. ഭരതന്നൂര് സേമ്യാക്കട അനീഷ് ഭവനില് സോണിയ (21) യെയാണ് നെടുമങ്ങാട് കോടതി റിമാന്ഡ് ചെയ്തത്.
അമ്മയുടെ സംരക്ഷണം അത്യാവശ്യമായ സമയത്ത് കുഞ്ഞിനെ ഉപേക്ഷിച്ചു പോയതിനാണ് പാങ്ങോട് പോലീസ് ബാലസംരക്ഷണ നിയമപ്രകാരം യുവതിയെ അറസ്റ്റു ചെയ്ത് കോടതിയില് ഹാജരാക്കിയത്. ജനുവരി 13-നാണ് യുവതിയെ കാണാനില്ലെന്ന് ബന്ധുക്കള് പോലീസില് പരാതി നല്കിയത്. അന്വേഷണത്തില് യുവതി മറ്റൊരു യുവാവിനോടൊപ്പം ഒളിച്ചോടിയതാണെന്ന് സ്ഥിരീകരിച്ചു.
കുഞ്ഞിനെ ഉപേക്ഷിച്ച സംഭവത്തില് പ്രേരണാക്കുറ്റം ചുമത്തി കാമുകനെതിരേയും പോലീസ് കേസെടുത്തു.
