തിരുവനന്തപുരംഷാര്ജ മാതൃകയില് ഇന്റര്നാഷണല് ഡ്രൈവിംഗ് ട്രെയിനിംഗ് സെന്റര് കേരളത്തിലും വരുന്നു. ഇവിടെ ഡ്രൈവിംഗ് ടെസ്റ്റ് പാസായാല് ഗള്ഫ് രാജ്യങ്ങളില് ജോലിയെടുക്കാനാകുമെന്നതാണ് ഈ സെന്ററിന്റെ പ്രത്യേകത.വേങ്ങരയില് ഇന്കലിന് കീഴിലുള്ള 25 ഏക്കര് സ്ഥലത്താണ് സെന്റര് സ്ഥാപിക്കുക. ഡ്രൈവിംഗ് ടെസ്റ്റിനും പരിശീലനത്തിനുമുള്ള സൗകര്യങ്ങള് പ്രത്യേകമായി ഒരുക്കും. ഇന്കലിന്റെ വ്യവസായ പാര്ക്കിനോടനുബന്ധിച്ചാകും ഇത്.
മോട്ടോര് വാഹന വകുപ്പിനു കീഴിലുള്ള ഇന്സ്റ്റിറ്റിയൂട്ട് ഓഫ് ഡ്രൈവിംഗ് ട്രെയിനിംഗ് ആന്റ് റിസര്ച്ചിനായിരിക്കും (ഐഡിടിആര്) നടത്തിപ്പ് ചുമതല.
മുഖ്യമന്ത്രി പിണറായി വിജയന്റെ അധ്യക്ഷതയില് തിരുവനന്തപുരത്ത് ചേര്ന്ന യോഗത്തിലാണ് ഇത് സംബന്ധിച്ച തീരുമാനം കൈക്കൊണ്ടത്. കൂടാതെ, തുടര് നടപടികള് സ്വീകരിക്കാന് ഗതാഗത വകുപ്പ് പ്രിന്സിപ്പല് സെക്രട്ടറിയെ യോഗം ചുമതലപ്പെടുത്തുകയും ചെയ്തു.ഷാര്ജയോട് കേരളം അഭ്യര്ത്ഥിച്ച നിര്ദേശങ്ങളില് ഒന്നായിരുന്നു ഡ്രൈവിംഗ് ട്രെയിനിംഗ് സെന്റര്. ഇന്റര്നാഷണല് ഡ്രൈവിംഗ് ലൈസന്സ് ഇതുവഴി ലഭിക്കും.ഷാര്ജയിലെ മോട്ടോര് വാഹന വകുപ്പ് ഉദ്യോഗസ്ഥര് കേരളത്തിലെ ഉദ്യോഗസ്ഥര്ക്ക് ആവശ്യമായ പരിശീലനം നല്കും. പദ്ധതിയുമായി ബന്ധപ്പെട്ട ധാരണാപത്രം ഉടന് ഒപ്പിടും. ഇന്ത്യയില് ആദ്യമായാണ് ഇത്തരമൊരു സംരംഭം.
