ദുബായ്- എന്നെന്നും ഓര്ക്കാന് കഴിയുന്ന ഒരു ദുബായ് യാത്ര. അതായിരുന്നു വഌഡ് ബെലോസെറോവ് എന്ന റഷ്യക്കാരന്റെ ആഗ്രഹം. ജനുവരി അഞ്ചിന് 21 കാരന് ഒടുവില് റഷ്യയില് നിന്ന് ഒരു ഫുട്ബൈക്കില് ദുബായിലെത്തി. ആറ് രാജ്യങ്ങളിലായി ആറുമാസമെടുത്ത് 9,800 കിലോമീറ്റര് യാത്രക്ക് ശേഷം. ബെലോസെറോവിന് ഗിന്നസ് റെക്കോര്ഡില് സ്ഥാനം നേടാം.
ഇത് ഒരു സ്വപ്ന സാക്ഷാത്കാരമാണ്. ഞാന് പ്രതീക്ഷിച്ചതിലും വളരെ മനോഹരമാണ് ദുബായ്. അതിലെ ആളുകള് വളരെ നല്ലവരും. ഈ സ്ഥലം സന്ദര്ശിക്കാന് ഞാന് എപ്പോഴും ആഗ്രഹിച്ചിരുന്നു. ഇത് ഒരു ഫുട്ബൈക്കിലായിരിക്കുമെന്ന് ആരാണ് കരുതിയിരുന്നത്- ബെലോസെറോവ് പറഞ്ഞു.
റഷ്യയിലെ ഈസ്റ്റ് സൈബീരിയയിലെ ഉലാന്ഉഡെ എന്ന നഗരത്തില്നിന്നാണ് ബെലോസെറോവ് 2019 ജൂണ് 23 ന് യു.എ.ഇയിലേക്ക് തിരിച്ചത്, മറ്റ് രണ്ട് പേര്ക്കൊപ്പം. ഗതാഗത മാര്ഗത്തില് ഏറ്റവും കൂടുതല് ദൂരം സഞ്ചരിച്ച് ലോക റെക്കോര്ഡ് സ്ഥാപിക്കാനുള്ള ശ്രമത്തിലാണ് ബെലോസെറോവ്. രണ്ട് സുഹൃത്തുക്കളും ശ്രമം പാതിവഴിയില് ഉപേക്ഷിച്ച് മടങ്ങിയെങ്കിലും ബെലോസെറോവ് കഠിന പ്രയത്നത്തിനൊടുവില് ദുബായില് എത്തുകതന്നെ ചെയ്തു.
എന്താണ് 'ഒരു ഫുട് ബൈക്ക്?'
ഒരു ബൈക്ക് പോലെ രൂപകല്പ്പന ചെയ്ത് നിര്മ്മിച്ച ഫുട്ബൈക്ക് സൈക്കിള് ഘടകങ്ങള് ഉപയോഗിക്കുന്നു, പ്രത്യേകിച്ചും, സ്പോക്ക്ഡ് വീലുകള്, ന്യൂമാറ്റിക് ടയറുകള്, ഫ്രണ്ട്, റിയര് ബ്രേക്കുകള്. വാഹനമോടിക്കുമ്പോള് ഉപയോക്താവിന് പരമാവധി നിയന്ത്രണം നല്കുന്നതിന് അവര് സൈക്കിള് ഹെഡ്സെറ്റുകള്, കാണ്ഡം, ഹാന്ഡില്ബാറുകള് എന്നിവ ഉപയോഗിക്കുന്നു