മസ്കത്ത്- ഒമാന് സുല്ത്താന് ഖാബൂസ് ബിന് സഈദിന്റെ നിര്യാണത്തെ തുടര്ന്ന് ഇന്ത്യയില് തിങ്കളാഴ്ച ഔദ്യോഗിക ദുഃഖാചരണം. കേന്ദ്ര സര്ക്കാര് ആഭ്യന്തര മന്ത്രാലയമാണ് ദുഃഖാചരണം പ്രഖ്യാപിച്ചിരിക്കുന്നത്. ദേശീയ പതാക പകുതി താഴ്ത്തിക്കെട്ടും. മുഴുവന് സംസ്ഥാനങ്ങള്ക്കും കേന്ദ്രഭരണ പ്രദേശങ്ങള്ക്കും ഇതു സംബന്ധിച്ച നിര്ദേശം അയച്ചതായി കേന്ദ്ര ആഭ്യന്തര മന്ത്രാലയം അറിയിച്ചു.
തിങ്കളാഴ്ച നടക്കാനിരുന്ന ഔദ്യോഗിക വിനോദ പരിപാടികളും മാറ്റിവെച്ചിട്ടുണ്ട്. നേരത്തെ, രാഷ്ട്രപതി രാംനാഥ് കോവിന്ദ്, പ്രധാനമന്ത്രി നരേന്ദ്ര മോഡി തുടങ്ങിയവര് സുല്ത്താന്റെ നിര്യാണത്തില് അനുശോചനം രേഖപ്പെടുത്തിയിരുന്നു.
