കൊച്ചി-സിനിമാ താരങ്ങളെക്കുറിച്ച് പല തരത്തിലുള്ള വ്യാജ വാര്‍ത്തകള്‍ പ്രചരിക്കാറുണ്ട്. അത്തരത്തിലൊന്നാണ് മരണവാര്‍ത്തയും. മലയാളത്തിലായാലും തമിഴിലായാലുമൊക്കെ പല താരങ്ങളും ഇത്തര വ്യാജ വാര്‍ത്ത നേരിട്ടിട്ടുണ്ട്. എന്നാല്‍ തന്റെ മരണവാര്‍ത്ത ചിരിപ്പിക്കുകയായിരുന്നുവെന്നാണ് മോഹന്‍ലാല്‍ പറയുന്നത്.ഞാന്‍ മരിച്ചുവെന്ന് പലതവണ പ്രചരിപ്പിക്കപ്പെട്ടിട്ടുണ്ട്. പക്ഷേ അവ എന്നെ ചിരിപ്പിക്കുകയാണ് ചെയ്തത്. എല്ലാ കൊടുങ്കാറ്റുകളും കടന്നു പോകുമെന്ന് വിശ്വസിക്കുന്നയാളാണ് ഞാന്‍. ശരി നമ്മുടെ ഭാഗത്താണെങ്കില്‍ നാം നിലനില്‍ക്കുക തന്നെ ചെയ്യും. അങ്ങനെയിരിക്കുമ്പോള്‍ ഒരു കുഞ്ഞുകാറ്റ് വന്ന് കെടുത്തിക്കളയുകയും ചെയ്യുമെന്നും മോഹന്‍ലാല്‍ പറയുന്നു.
