അബുദാബി- കേരളത്തില്നിന്നുള്ള ഉയര്ന്ന ക്ലാസ് യാത്രക്കാര്ക്ക് പ്രളയ സെസ് (എന്-7) എന്ന പേരില് പുതിയ നികുതി ഏര്പ്പെടുത്തി. കേരളത്തില്നിന്നുള്ള ബിസിനസ്, ഫസ്റ്റ് ക്ലാസ് യാത്രക്കാരില്നിന്നാണു പ്രളയ സെസായി 50 ദിര്ഹം ഈടാക്കുന്നത്. ഇതുസംബന്ധിച്ച സര്ക്കുലര് വിവിധ വിമാന കമ്പനികള് ട്രാവല് ഏജന്സികള്ക്ക് നല്കിക്കഴിഞ്ഞു. വിമാന ടിക്കറ്റെടുക്കുമ്പോള്തന്നെ ഈ തുക ചേര്ത്തുള്ള നിരക്കാണ് ഈടാക്കുന്നത്.
ഇക്കണോമി യാത്രക്കാര് പ്രളയ സെസ് നല്കേണ്ടതില്ല. ഇതനുസരിച്ച് എമിറേറ്റ്സില് കൊച്ചിയില്നിന്ന് ദുബായിലേക്കു ബിസിനസ് ക്ലാസിലെ ടിക്കറ്റിന് 4225 ദിര്ഹമാണ് നിരക്ക്. ഇതില് 2580 ദിര്ഹം മാത്രമാണ് ടിക്കറ്റ് തുക. ബാക്കിയുള്ള 1645 ദിര്ഹം വിവിധ നികുതികളാണ്.
