അബുദാബി- ലോകത്തെ ഭാരമേറിയ വനിത ഇമാൻ അബ്ദുൽ ആത്തി സ്വയം ഇരുന്നു തുടങ്ങിയെന്നും ഭക്ഷണം കഴിക്കുന്നുണ്ടെന്നും അബുദാബി ബുർജീൽ ആശുപത്രി അധികൃതർ അറിയിച്ചു.
ഭക്ഷണം നൽകുന്നതിനായി മൂക്കില് ഘടിപ്പിച്ചിരുന്ന കുഴൽ നീക്കിയിട്ടുണ്ട്. മരുന്നുകൾ നേരിട്ട് കഴിച്ചു തുടങ്ങിയതായും ബുർജീൽ സി.എം.ഒ ഡോ. യാസീൻ അൽ ഷഹാത് അറിയിച്ചു. ഇമാന് ഇപ്പോൾ കൂടുതൽ നേരം വീൽ ചെയറിൽ ഇരിക്കാൻ കഴിയുന്നുണ്ട്. ഏറെ കാലം ഒരേ കിടപ്പു മൂലം ദേഹത്തുണ്ടായ ശയ്യാ വൃണങ്ങൾ ഉണങ്ങിത്തുടങ്ങി. ഈദിനു ശേഷം ശസ്ത്രക്രിയകൾ നടത്തും. ശബ്ദത്തിന് വ്യക്തത വന്നതായും കൂടുതൽ മെച്ചപ്പെട്ട രീതിയിൽ പ്രതികരിക്കാൻ കഴിയുന്നുണ്ടെന്നും ഡോക്ടർ പറഞ്ഞു. മുംബൈയില് ചികിത്സ തേടിയിരുന്ന ഈജിപ്ത് സ്വദേശിനിയായ ഇമാനെ പരാതികളെ തുടർന്നാണ് അബുദാബിയിലേക്ക് കൊണ്ടുവന്നത്. . കഴിഞ്ഞ മാസം നാലിനാണ് ബുർജീല് ആശുപത്രിയിലെത്തിച്ചത്.
