തിരുവണ്ണമലൈ- ട്യൂഷനെടുക്കാന് വീട്ടിലെത്തി ആണ്കുട്ടിയെ ലൈംഗികമായി ചൂഷണം ചെയ്യുന്നത് പതിവാക്കിയ 30കാരി അധ്യാപികയെ പോലീസ് ലൈംഗിക പീഡനക്കേസ് ചുമത്തി അറസ്റ്റ് ചെയ്തു. തമിഴ്നാട്ടിലെ തിരുവണ്ണാലൈ ജില്ലയിലെ അരണിയില് ഒരു സര്ക്കാര് സ്കൂളിലെ ഇംഗ്ലീഷ് അധ്യാപികയായ യു. നിത്യയാണ് പിടിയിലായത്. സ്വകാര്യ ട്യൂഷനെടുക്കാനാണ് നിത്യ ബാലന്റെ വീട്ടിലെത്തിയിരുന്നത്. ഇതിനിടെ അധ്യാപിക ബാലനെ ലൈംഗിക കേളികള്ക്ക് പ്രേരിപ്പിക്കുകയും ദൃശ്യം മൊബൈലില് പകര്ത്തുകയും ചെയ്തു. നിത്യയുടെ ഭര്ത്താവ് മൊബൈലില് ഈ ചിത്രങ്ങളും വിഡിയോകളും കണ്ടതോടെയാണ് സംഭവം പുറത്തറിയുന്നത്. ഇത് ഇരുവര്ക്കുമിടയില് തര്ക്കത്തിനിടയാക്കി. ബന്ധം അവസാനിപ്പിക്കണമെന്ന് ഭര്ത്താവ് മുന്നറിയിപ്പ് നല്കിയെങ്കിലും ഇത് അവഗണിച്ച് നിത്യ ആണ്കുട്ടിയുമായുള്ള ബന്ധം തുടരുകയായിരുന്നെന്ന് പോലീസ് പറഞ്ഞു. തുടര്ന്ന് ഭര്ത്താവ് തന്നെ ജില്ലാ കലക്ടര്ക്ക് പരാതി നല്കുകയായിരുന്നു. ഇതു ജില്ലാ ശിശു സംരക്ഷണ യൂണിറ്റ് കൈമാറി. അന്വേഷണത്തില് നിത്യ കുറ്റം സമ്മതിച്ചതോടെ കേസ് പോലീസിനു കൈമാറുകയായിരുന്നു. നാലോ അഞ്ചോ ആണ്കുട്ടികലെ നിത്യ പീഡിപ്പിച്ചതായി സംശയമുണ്ടെന്ന് പോലീസ് പറഞ്ഞു. പോക്സോ നിയമം ചുമത്തിയാണ് കേസെടുത്തിരിക്കുന്നത്.
