പത്തനംതിട്ട- സൗദി അറേബ്യയില്നിന്ന് നാട്ടിലെത്തിച്ച മൃതദേഹം മാറി. കഴിഞ്ഞ മാസം 28-ന് മരിച്ച കോന്നി കുമ്മണ്ണൂര് സ്വദേശി റഫിഖിന്റെ (29) മൃതദേഹത്തിനു പകരം നാട്ടിലെത്തിച്ചത് ശ്രീലങ്കന് യുവതിയുടെ മൃതദേഹമാണ്.രാവിലെ ഖബറടക്ക ചടങ്ങുകള്ക്കായി മൃതദേഹമടങ്ങുന്ന പെട്ടി തുറന്നപ്പോഴാണ് മൃതദേഹം മാറിയ വിവരം അറിയുന്നത്. ശ്രീലങ്കക്കാരിയുടെ മൃതദേഹം കോട്ടയം മെഡിക്കല് കോളേജിലേക്ക് മാറ്റി.
