ചെന്നൈ: ആരോപണങ്ങള് ഉയര്ന്ന് മൂന്ന് മാസത്തോളം പ്രതികരിക്കാതിരുന്ന കാര്ത്തിക് ഇപ്പോള് മൗനം വെടിഞ്ഞ് രംഗത്ത് വന്നിരിക്കുകയാണ്. ട്വിറ്ററിലൂടെയാണ് കാര്ത്തിക് വിഷയത്തില് പ്രതികരണവുമായി രംഗത്ത് വന്നത്. കശ്മീരില് വീരമൃത്യു വരിച്ച സി.ആര്.പി.എഫ് ജവാ•ാര്ക്ക് ആദരമര്പ്പിച്ചാണ് കാര്ത്തിക് തന്റെ പ്രസ്താവന തുടങ്ങുന്നത്.
കാര്ത്തിക്കിന്റെ പ്രസ്താവന
ഒരുപാടു ആരോപണങ്ങളും വിവാദങ്ങളും ട്വിറ്ററില് ഞാന് കണ്ടു. എന്റെ മനസാക്ഷിയെ തൊട്ടു ഞാന് പറയുന്നു, ഞാന് ആരെയും വേദനിപ്പിച്ചിട്ടില്ല. ഒരു വ്യക്തിയെയും അയാളുടെ അനുമതി അവഗണിച്ചു കൊണ്ട് ഉപദ്രവിച്ചിട്ടില്ല. എന്റെ പ്രവര്ത്തികള് മൂലം ആര്ക്കെങ്കിലും ബുദ്ധിമുട്ടുകള് നേരിട്ടിട്ടുണ്ടെങ്കില് ദയവായി മുന്നോട്ട് വരണം. ഒരാളുടെ പ്രവര്ത്തിയുടെ അനന്തരഫലം അനുഭവിക്കേണ്ടതാണ് എന്നാണ് ഞാന് വിശ്വസിക്കുന്നത്. ഞാന് മീടുവിനെ പൂര്ണമായും പിന്തുണയ്ക്കുന്നു. പരാതിക്കാരിയുടെ ദുഃഖത്തില് സത്യമുണ്ടെങ്കില് ഞാന് മാപ്പു പറയാന് തയ്യാറാണ്, അതിനേക്കളുപരി നിയമനടപടികള് നേരിടാനും തയ്യാറാണ്. കാരണം ആരുടേയും ജീവിതത്തില് ഒരു കയ്പ്പേറിയ അനുഭവം സമ്മാനിക്കാന് ഞാന് താല്പര്യപ്പെടുന്നില്ല.
എന്റെ അച്ഛന് ഏതാനും മാസങ്ങളായി ഗുരുതരമായ രോഗാവസ്ഥയുമായി പോരാടുകയാണ്. അച്ഛന്റെ ആരോഗ്യത്തിനും രോഗമുക്തിക്കുമായി പ്രാര്ത്ഥിക്കണമെന്ന് ആരാധകരോടും സുഹൃത്തുക്കളോടും അപേക്ഷിക്കുകയാണ്. കാര്ത്തിക്കിന്റെ കുറിപ്പില് വ്യക്തമാക്കി.
